Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elimizdiń ár azamaty ulttyq múddeni basshylyqqa alýy kerek - Qasym-Jomart Toqaev

2022 jyldyń 29 sáýir 2022 13:56

NUR-SULTAN. QazAqparat – Іshki ári syrtqy arandatý elimizdiń tutastyǵyna jik salmaýy kerek. Bul týraly Qazaqstan halqy Assambleıasynyń kezekti otyz birinshi sessııasynda Prezıdent Qasym-Jomart Toqaev málim etti, dep habarlaıdy QazAqparat tilshisi.

«Álemdegi sońǵy oqıǵalar aqparattyq turǵyda bizdiń qoǵamdy keıde baǵyttan adastyryp jatatynyn kórip júrmiz. Elimizdiń ár azamaty jarııa alańǵa kirgende bizdiń ulttyq múddeni basshylyqqa alýy kerek. Syrtqy shıelenister bizdiń azamattar arasynda etnosaralyq alaýyzdyqty tutatý men kúıretý jolyn qalyptastyrý úshin paıdalanylýyna jol berilmeýi kerek», - dedi Memleket basshysy.

Osy oraıda Prezıdent arandatýshylar qaıda turyp jatsa da, qaı eldiń bolmasyn pasportyn ustap júrse de bizdiń birlikti buza almaıtynyn atap ótti.

Memleket basshysy beıbitshilik pen birlik qundylyqtarynsyz elimizdiń bolashaǵy bolmaıtynyn barsha azamat este saqtaýy tıis ekenin qadap aıtty.

«Qazaqstannan basqa bizde basqa Otan joq jáne bolmaıdy da. Іshki ári syrtqy arandatýǵa boı urmaý kerek», - dedi Qasym-Jomart Toqaev.

Osyǵan deıin QR Prezıdenti tóraǵalyǵymen Qazaqstan halqy Assambleıasynyń HHHІ sessııasy ashylǵanyn jazdyq.

Memleket basshysy Assambleıa Senat depýtattyǵyna kandıdattardy irikteýdiń tıimdi ári ashyq rásimin ázirleýi kerek ekenin aıtty.



Joǵary qaraı