Aýa raıy
Astana 3 °S
Almaty 8 °S
valıýta baǵamy
USD 421.58
EUR 496.83
RUB 5.53
CNY 62.20

Elimizdiń kýrorttarynda bos oryn joq – mınıstrlik

2020 jyldyń 28 shilde 2020 17:18

NUR-SULTAN. QazAqparat – QR Mádenıet jáne sport mınıstrligi Týrızm ındýstrııasy komıtetiniń tóraǵasy Dastan Rysbekov Qazaqstandaǵy barlyq kýrorttyq oryndarda osy jyldyń jazǵy týrıstik maýsymynyń sońyna deıin bos oryndar qalmaǵanyn málim etti, dep habarlaıdy QazAqparat tilshisi.

«Elimiz tótenshe jaǵdaıdan shyqqannan keıin týrıstik bıznes salasynda bizdiń mınıstrlik Densaýlyq saqtaý mınıstrligimen birlesip, qyzmet kórsetýshiler men demalýshylardyń sanıtarlyq-epıdemıologııalyq qaýipsizdigin qamtamasyz ete otyryp, karantındik shekteýler jaǵdaıynda kýrorttar, demalys aımaqtary men shıpaeaılar jumysynyń algorıtmin jedel ázirledi. Atalǵan algorıtmder ornalasý oryndarynyń barlyq menshik ıelerine jetkizildi. Aıta keterligi, bıznes bul máselege jaýapkershilikpen qarap, týrıstik maýsymnyń bastalýyna daıyndalý, qorǵanys quraldaryn satyp alý, nysandardaǵy qaýipsizdikti qamtamasyz etý boıynsha barlyq talapty saqtaı otyryp, jumysty uıymdastyrdy», - dedi Dastan Rysbekov OKQ-da ótken baspasóz máslıhatynda.

Onyń aıtýynsha, qalalar men oblystardyń ákimdikterinde týrıstik nysandardy qabyldanǵan algorıtmderge sáıkestigin tekseretin turaqty monıtorıng toptary qurylǵan.

«Osylaısha ishki týrızm salasynda jumys isteýge jáne klıentter aldyndaǵy óz mindettemelerin oryndaýǵa múmkindik berildi. Bizdiń málimetterimiz boıynsha barlyq kýrorttyq orynda osy jyldyń jazǵy týrıstik maýsymynyń sońyna deıin brondaý úshin bos oryndar qalǵan joq», - dedi ol.


Joǵary qaraı