Aýa raıy
Astana -13 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Elimizdiń týrızm salasyndaǵy bilikti mamandary Túrkistanda bas qosty

2020 jyldyń 22 qazan 2020 18:50

TÚRKІSTAN. QazAqparat – Túrkistan oblysynda óńirdiń týrıstik áleýetin damytý boıynsha «Túrkistan – túrki áleminiń besigi» atty respýblıkalyq semınar-keńes ótti. Oblystyq týrızm basqarmasynyń uıymdastyrýymen ótken jıynda óńirlerdegi týrızmdi damytý men birlesken is-sharalardy ótkizý máseleleri talqylandy, dep habarlaıdy QazAqparat tilshisi.

Atalǵan sharaǵa QR Týrızm ındýstrııasy komıteti jáne «Kazakh Tourism» UK» AQ basshylary, elimizdiń ózge oblystarynyń salalyq basqarmalary men týrızm assotsıatsııasy ókilderi arnaıy qatysty. Onda Túrkistan qalasynda salynyp jatqan jańa nysandarǵa, Otyrar, Báıdibek aýdandarynyń týrıstik nysandaryna aqparattyq týr uıymdastyryldy. Sondaı-aq, semınar-keńes aıasynda Shymkent, Almaty qalalarymen jáne Almaty, Qyzylorda oblystarymen, sonymen qatar «Kazakh Tourism»UK» AQ-men týrızm salasyndaǵy ózara túsinistik jáne yntymaqtastyq týraly Memorandýmǵa qol qoıyldy.




Jıynǵa qatysýshylar týrızm - Túrkistan oblysy ekonomıkasynyń basym salalarynyń biri ekenin aıtty. Ásirese, biregeı sáýlet-tarıhı jáne arheologııalyq eskertkishteri, tańǵajaıyp tabıǵaty men ózindik mádenıeti bar óńirimiz óńirlik jáne halyqaralyq deńgeıde týrızmdi damytý úshin zor áleýetke ıe ekenin baıandaldy.

Aıta keteıik, qazirgi tańda memleket tarapynan tek qalanyń ǵana emes, jalpy oblystyń damýyna erekshe kóńil bólinip keledi. Infraqurylymdy jańǵyrtý aıasynda jumystar belsendi júrgizilip, jańa ınvestıtsııalar tartylýda.

Odan bólek, Túrkistan qalasyn Túrki áleminiń mádenı jáne rýhanı astanasy retinde Ortalyq Azııadaǵy Halyqaralyq týrızm men zııarat etý ortalyǵy retinde damytý - búgingi tańda týrızm salasyndaǵy memlekettik saıasattyń strategııalyq basymdyqtarynyń birine aınaldy jáne osy baǵytta memlekettik qoldaý kórsetý týrızmdi turaqty damytýdyń alǵysharty bolyp otyr.


















Avtor Aınur Aqbaeva
Basty sózder: Túrkistan oblysy, Týrızm,
Joǵary qaraı