Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elorda áýejaıynda avıaotyn taýsyldy – keı ushaqtar ushpaýy múmkin

2021 jyldyń 27 qazan 2021 20:40

NUR-SULTAN. QazAqparat – Eldegi avıajanarmaı tapshylyǵynan elorda áýejaıynyń úzdiksiz jumysyna nuqsan kelýi múmkin. Qazir astanalyq áýejaıda áýe kompanııalary úshin, tipti turaqty jolaýshylar reısteri úshin de avıakerosınmen úzdiksiz qamtamasyz etýde olqylyq bar, dep habarlaıdy QazAqparat.

«Bıylǵy qyrkúıek jáne qazan aılarynda Qazaqstanda otyn tapshylyǵyna baılanysty kúrdeli jaǵdaı baıqaldy. Qazaqstannyń iri resýrs ustaýshylary men jetkizýshileri avıaotyndy ýaqytyly jetkize almaı otyr, bul qazirgi ýaqytta áýejaıdyń óńirlik kólik toraby retinde qalypty jumys isteýine keri áserin tıgizýde. Máselen, qazir Reseı Federatsııasynyń ónim jetkizýshileri birqatar sebepterge, onyń ishinde ishki suranystyń artýyna baılanysty Qazaqstanǵa avıaotyn jetkizýden bas tartty», - dedi «Nursultan Nazarbaev halyqaralyq áýejaıy» AQ baspasóz hatshysy Ánýar Shalekenov.

Nur-Sultan áýejaıy avıaotyn jetkizý týraly qatań kelisimsharttardyń joqtyǵyn, sondaı-aq otynnyń qajetti kóleminiń jetkizilmeýinen bolǵan qıyn jaǵdaıdy jáne áýejaıdaǵy bar rezervtiń is júzinde jumsalǵanyn eskerip, jolaýshylardan aldaǵy ýaqyttarda bolýy yqtımal problemalarǵa túsinistikpen qaraýdy suraıdy.

Qyrkúıek pen qazan aılarynda tapshylyq pen baǵanyń kúrt ósýine baılanysty 14 myń tonna avıaotyn jetkizilmegen. Osyǵan baılanysty búgingi tańda rezervter taýsylǵan.

«Qarasha aıynda birde-bir jetkizýshi avıaotyn jetkizý kólemin rastamady. Jańa kelisimsharttar boıynsha eń jaqyn aradaǵy jetkizý 15 qarashada bolýy múmkin. Biz júk reısterine janarmaı quıýǵa shekteýler engizdik jáne jaqynda olardy múldem qabyldamaýǵa májbúr bolamyz. Sodan keıin bul avıakompanııalardy Qazaqstanǵa keri qaıtara almaımyz», - deıdi Ánýar Shalekenov.


Joǵary qaraı