Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elorda aýlalaryn jaıly etemiz - Altaı Kólginov

2021 jyldyń 16 mamyr 2021 19:28

NUR-SULTAN. QazAqparat - Elorda ákimi Altaı Kólginov Instagram paraqshasynda bıyl 160 aýla men qoǵamdyq keńistik abattandyrylatynyn málim etti, dep habarlaıdy QazAqparat qala ákimdiginiń resmı saıtyna silteme jasap.

«Aýlalarymyzdy jaıly etý úshin aýqymdy jumystar júrgizip kelemiz. Qala turǵyndary terezeden aýlalarynyń solǵyn kórinisin emes, kerisinshe, ózindik keskin-kelbeti qalyptasqan aýlalardy kórýi qajet.

Aýlalardy kópfýnktsıonaldy etemiz, olar balalar úshin de, aǵa býyn úshin de qyzyq bolmaq. Bıyldyń ózinde abattandyrý jumystary 160 aýla men qoǵamdyq keńistikti (saıabaqtar, skverler, býlvarlar) qamtıdy. Elordany «Nur-Sultan - jaıly qala» master-jospary aıasynda damytyp kelemiz.

Máselen, byltyr 76 gektardan astam aýmaqty salyp, abattandyrdyq. Bul - turǵyndardyń aýlalary, bizdiń qalalyqtar taza aýada ýaqyt ótkizetin qoǵamdyq keńistikter, sonymen qatar aýdandardy baılanystyratyn qaladaǵy eń tanymal ýchaskeler. Osylaısha qalada serýendeýge barlyq jaǵdaı jasalyp keledi.

Qazirgi jumystardy eskere otyryp, qala turǵyndarynyń jartysynan astamynda jaıaý qashyqtyqta jaıly ýaqyt ótkizýge, sportpen shuǵyldanýǵa arnalǵan oryndar paıda bolady. Búgin birqatar aýlalardyń qurylys barysymen tanystym. Mysaly, Baıqońyr aýdanynda: Beısekbaev kóshesi 21, 21/1, Seıfýllın kóshesi 69/1, 69/2, Abaı dańǵyly 101, 101/1, 101/2, Tsıolkovskıı kóshesi, 1; Almaty aýdanynda: B.Momyshuly dańǵyly, 12 jáne t. b.

Qalanyń barlyq aýdandary jumyspen qamtyldy. Onyń ishinde eldi mekender de bar. Sondaı-aq abattandyrý jumystaryna «bıýdjetke qatysý» jobasy kómektesedi. Joba aıasynda turǵyndar qandaı aýlany kórgisi keletinin, birinshi kezekte ne qajet ekenin aıtady.

Aýlalardy jobalaý kezinde balalardyń da, aǵa býynnyń da múddesin eskeremiz. Aýlaishilik aýmaqtarda turǵyndardyń múddelerin eskere otyryp, fýtbol/basketbol alańdaryn, balalar oıyn alańdaryn, jattyǵý alańdaryn, vorkaýt-aımaqtardy, jaıly kúrkelerdi, ıtterdi serýendetýge arnalǵan alańdardy jáne t. b. ornatamyz.

Jas kezinen bastap balalardy belsendi salaýatty ómir saltyn ustanýǵa úıretý mańyzdy. Osylaısha shóleıt jerlerde, qaraýsyz qalǵan jerlerde taza aýada ýaqyt ótkizýge arnalǵan jańa jaıly oryndar paıda bolady.

Memleket basshysynyń tapsyrmasy boıynsha qalany abattandyrý kezinde kógaldandyrýǵa erekshe kóńil bólemiz. Tek osy jyldyń ózinde 1 mln-nan astam jasyl jelek (aǵashtar, butalar, kóshetter jáne t. b.), onyń ishinde elordanyń «jasyl beldeýine« otyrǵyzamyz», - dep jazdy elorda ákimi.


Basty sózder: Qoǵam, Ekologııa, Qurylys, Ákimdik, Nur-Sultan,
Joǵary qaraı