Aýa raıy
Astana -13 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Elorda dárigerleri sırek kezdesetin aýrýǵa shaldyqqan balaǵa kúrdeli otany sátti jasady

2020 jyldyń 24 qarasha 2020 07:30

NUR-SULTAN. QazAqparat - № 2 kópsalaly qalalyq balalar aýrýhanasynda sırek kezdesetin aýrýmen aýyratyn 7 jasar qyzǵa ota jasaldy, dep habarlaıdy QazAqparat elorda ákimdigine silteme jasap.

7 jasar Tomırıste eki patologııa bar: Proteıa sındromy, eki aıaqtyń alyp bolýy, sondaı-aq ishek tamyrlarynyń damý aqaýy.

«Proteıa sındromy - óte sırek kezdesetin týa bitken aýrý, teriniń, súıekterdiń, bulshyqetterdiń, maı tinderiniń jáne qan men lımfa tamyrlarynyń artyq ósýi baıqalady. Búginde álemde osyndaı 200-ge jýyq jaǵdaı bar. Balanyń aıaǵy úlken, dene salmaǵynyń jartysyna jetken, saýsaqtarynda sozylmaly osteomıelıt oshaqtary bar», - deıdi aýrýhananyń ortopedııa jáne ońaltý bóliminiń meńgerýshisi Aǵabek Shikinaev.

Dárigerdiń aıtýynsha, aıaqtyń ulǵaıýynan basqa, bala ishek lımfangıomıomatozymen aýyrǵan. Іshektiń jıi qan ketýi aýyr anemııanyń damýyna yqpal etti, bul úshin aıyna 2-3 ret qan quıýdy qajet etti. Jyldyń basynda qyz bala aýrýhananyń ortopedııa jáne ońaltý bólimine júıeli túrde jatqyzyldy.

№2 balalar aýrýhanasynyń hırýrgtary sáýir aıynda ishekke ota jasady, bul qaıtalanǵan qan ketýdi toqtatýǵa kómektesti. Osy operatsııadan bastap balaǵa qan men onyń komponentterine jıi quıý qajet bolmady. Qyzdyń densaýlyǵy jaqsardy, ol salmaq qosa bastady.

«Osy aptada quramynda ortoped, hırýrg, anestezıolog bar mýltıtártiptik top sol aıaǵynyń tabanyna rekonstrýktıvti otany sátti jasap shyqty. Emdeýdiń 2 kezeńi. Aldyńǵy jyly aıaqtaryna da, ishekte de operatsııalardyń taǵy 3 kezeńin oryndaý josparlanýda. Oń aıaǵyna jasalǵan operatsııadan keıin balanyń kúshi men áleýmettik osaldyǵy tómendeıdi», - dep túsindiredi Aǵabek Shikinaev.

Qyzdyń anasy operatsııa jasaǵan búkil dárigerler tobyna alǵys aıtty.

«Operatsııa sátti ótti. Kúrdeli operatsııalar men qıyn kezeń boldy. Biraq qazir bári jaqsy, bizdiń Tomırıs qýanyshty, biz de «, - dep jazdy Tomırıstiń anasy Instagram paraqshasynda.


Basty sózder: Nur-Sultan, Medıtsına,
Joǵary qaraı