Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elorda mańynda bir túnde 4 kólikti tonaǵan ury ustaldy

2021 jyldyń 13 qyrkúıek 2021 16:41

NUR-SULTAN. QazAqparat – Elorda mańyndaǵy Ilınka eldi mekeninde turǵyn úı janynda turǵan 4 sheteldik kólikti tonaǵan kúdikti ustaldy, dep habarlaıdy QazAqparat tilshisi.

Nur-Sultan qalalyq polıtsııa departamentiniń málimetinshe, kúdikti tún ýaqyttynda kópqabatty úılerdiń aýlasynda turǵan kólikterdiń esigin tartyp kórip, ashyq turǵandaryna urlyqqa túsken. Jas jigittiń qolshammen kólikterdiń salonyn tintip jatqan túngi joryǵy beınebaqylaý kameralaryna da túsip qalǵan.

«Mersedes» markaly kóliktiń ıesi, zardap shegýshilerdiń biri polıtsııaǵa júginip, 40 myń teńge somasyndaǵy aqshasynyń urlanǵandyǵyn habarlady. Jedel izdestirý is-sharasy barysynda polıtsııa qyzmetkerleri kúdiktini ustady. Ol buǵan deıin urlyq jasaǵany úshin sottalǵan 26 jastaǵy jigit bolyp shyqty. Tergeý barysynda ol taǵy 4 kólikke urlyqqa túskenin moıyndady. Atalǵan fakti boıynsha QR QK 188-babymen qylmystyq is qozǵaldy. Tergeý júrgizilip jatyr. Kúdiktiniń elorda aýmaǵynda jasalǵan dál osyndaı ózge de qylmysqa qatysy tekserilýde», - dedi departamentten.


Avtor Marlan Jıembaı
Basty sózder: Nur-Sultan, Qylmyspen kúres,
Joǵary qaraı