Aýa raıy
Astana -25 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Elorda mańyndaǵy Telman eldimekeninde fýtbol men balalar alańy salyndy

2020 jyldyń 18 qazan 2020 01:18

NUR-SULTAN. QazAqparat – Elorda shetindegi Telman eldimekeninde qoǵamdyq keńistik abattandyryldy, dep habarlaıdy QazAqparat qala ákimdigine silteme jasap.

Onda fýtbol alańy men balalar alańy bar úlken aýla alańy paıda boldy.

«Telman eldimekeniniń turǵyndary kezdesý barysynda aýdanda abattandyrylǵan aýla joq ekendigin aıtty. Bıyl fýtbolǵa arnalǵan alań men balalar alańqaıy bar úlken alań salyndy. Qoǵamdyq keńistiktiń aýmaǵyn keńeıtip, konkımen syrǵanaý úshin muz alańyn ashamyz.

Bul joba «Samruk-Kazyna Trust» áleýmettik jobalardy damytý qorymen birlese júzege asyryldy. Mundaı alańdar Potanın, T.Júrgenov jáne Kravtsov kóshelerinde de ashyldy. Qalada barlyǵy 150 aýla men 50 qoǵamdyq keńistik abattandyryldy. Olardyń kóbi shetkeri aımaqtarda, oń jaǵalaýda, kúrelgen apatty úılerdiń ornynda salyndy», - dep jazdy Altaı Kólginov Instagram-daǵy paraqshasynda.





Ákim Telman eldimekeniniń turǵyndarymen aýdannyń odan ári damýyn talqylady.

«Jyl sońyna deıin bul eldimekende tazartý qurylystary men magıstraldyq kollektor salýdy aıaqtaımyz. Qýattylyǵy táýligine 36 myń tekshe metrden asady. Bul osy eldimekendi ǵana emes, sonymen qatar № 27 kósheniń boıyndaǵy perspektıvaly qurylys aımaǵyn jáne t.b. qamtıtyn jer ústi aǵyndaryn burýdy qamtamasyz etýge múmkindik beredi. Turǵyndardyń qalaǵa ótý jolyn aıtarlyqtaı qysqartý úshin Nova city aýdanynda jol salyp jatyrmyz», - dedi qala ákimi.











Basty sózder: Ákim, Nur-Sultan,
Joǵary qaraı