Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elorda mektebindegi dombyra sabaǵy Gınnes rekordtar kitabyna enýi múmkin

2022 jyldyń 25 mamyr 2022 13:30

NUR-SULTAN. QazAqparat – Fızıka-matematıka baǵytyndaǵy Nazarbaev Zııatkerlik mektebiniń júzdegen oqýshysy qatysqan «Eń aýqymdy dombyra sabaǵyn» Gınnes rekordtar kitabyna engizý josparlanyp otyr. Bilim mekemesi bıylǵy oqý jylyn osy sabaqpen aıaqtady, dep habarlaıdy QazAqparat mekteptiń áleýmettik jelidegi paraqshasyna silteme jasap.

«Elordadaǵy fızıka-matematıka baǵytyndaǵy Zııatkerlik mektep oqýshylary búkil álemge bizdiń elimiz ben mádenıetimizdi, halyqtyń jany dep ataýǵa bolatyn basty mýzykalyq aspapty tanystyrdy. Naǵyz qazaq – dombyra ekenin bárimiz jaqsy bilemiz, sondyqtan búgingi kúndi tarıhı dep ataýǵa bolady»

, – deıdi «Nazarbaev Zııatkerlik mektepteri» DBBU Basqarma basshysy Kúlásh Shámshıdınova.




Aıtýynsha, Gınness rekordtar kitabyna usynylǵan sabaqty baqylaýǵa arnaıy baqylaýshylar men stıýardtar, buqaralyq aqparat qural ókilderi qatysqan.

Guinness World Records (GWR) kitabyna ótinim 2021 jyldyń jeltoqsanynda berilgen. Talap boıynsha sabaqty 25-ten astam stıýard pen 2 kýáger baqylaýy tıis. Ár 50 qatysýshyǵa bir táýelsiz stıýardtan keledi. Ol naqty topty baqylap, rekord aımaǵynan shyqqan nemese qajetti is-áreketti atqarmaǵan qatysýshyny tirkeıdi. Al, kýágerler GWR senimdi tulǵalary retinde rekordtyń ornatylýyn rastaıdy.

Buǵan deıin elordadaǵy mektepterdiń birinde «Eń aýqymdy dombyra sabaǵy» ótkeni habarlanǵan edi.


Avtor Gúlnur Qaldybaeva
Basty sózder: Bilim, Mektep, Dombyra, Nur-Sultan,
Joǵary qaraı