Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elorda mektebine «bomba qoıylǵany» týraly aqparat tarap, 175 adam evakýatsııalandy

2021 jyldyń 11 mamyr 2021 17:02

NUR-SULTAN. QazAqparat – Astanadaǵy jeke menshik mektepterdiń birine «bomba qoıylǵany» týraly habar túsken. Bul týraly QazAqparat Nur-Sultan qalasynyń polıtsııa departamentine silteme jasap habarlaıdy.

«Polıtsııanyń «102» arnasyna saǵat 11.32-de «Astana Garden School» jeke menshik mektebiniń elektrondyq poshtasyna ǵımaratqa jarylǵysh zat qoıylǵany týraly habarlama kelip tústi. Barlyq shuǵyl qyzmetter dereý oqıǵa ornyna jiberildi. Mektepten 175 adam qaýipsiz jerge shyǵaryldy. Degenmen, eshqandaı jarylǵysh qurylǵy tabylǵan joq. Atalǵan fakti boıynsha Qylmystyq kodekstiń 273-baby boıynsha qylmystyq is qozǵaldy»,-dep habarlady qalalyq polıtsııa departamentiniń baspasóz qyzmeti.

Vedomstvo jarylǵysh zattyń salynǵany týraly kórineý jalǵan habar taratý iri kólemde aıyppul men qylmystyq jaýaptylyq júkteıtinin eskertedi.

«Ótken jyly atalǵan qylmystyń 10 faktisi tirkelgen. Polıtsııa qyzmetkerleri barlyq kinálilerdi anyqtap, ustady. Barlyq faktiler boıynsha ustalǵandar túrli merzimge bas bostandyǵynan aıyryldy», - deıdi departamenttegiler.


Avtor Esimjan Naqtybaı
Basty sózder: Nur-Sultan, Oqıǵa,
Joǵary qaraı