Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elorda mektebine Ybyraı Altynsarınniń esimi beriledi

2021 jyldyń 22 qazan 2021 16:03

NUR-SULTAN. QazAqparat – Elordada №83 mektepke Ybyraı Altynsarın ataýy beriledi. Bul týraly Nur-Sultan qalasy ákiminiń orynbasary Ashat Oralov málim etti, dep habarlaıdy QazAqparat tilshisi.

«Bıyl elordada ustazdar kúni qarsańynda ult ustazy Ybyraı Altynsarınge bıýst ashyldy. Saltanatty sharaǵa zııaly qaýym ókilderi qatysty. Jáne qazirgi tańda onomastıkalyq komıssııa otyrysynda qaladaǵy №83 mektepke Ybyraı Altynsarın ataýyn berýdi qarastyryp jatyrmyz. Árıne, zań aıasynda júzege asatyn protsess, sondyqtan ýaqytty talap etiledi. Onyń ústine sheshimdi tek ákimdik qana qabyldamaıdy, jurtshylyqpen aqyldasyp sheshiledi. Onomastıka komıssııasy quramynda memlekettik organ ókilderinen bólek, qoǵam qaıratkerleri, zııaly qaýym, úkimettik emes uıym ókilderimen qosa belsendi azamattar bar», - dedi A. Oralov.

Onyń aıtýynsha, mektepke aǵartýshynyń esimin berý sheshimi osy aıdyń sońynda nemese qarashanyń basynda shyǵady.

«Mektep ataýyn Ybyraı atamyzdyń atyn berý bastamasyn bári biraýyzdan qoldaıdy dep oılaımyn. Tulǵanyń ulttyq bilim salasyna sińirgen eńbegi men qaldyrǵan murasy barshamyzǵa aıan», - deıdi ol.


Avtor Álı Ibraev
Basty sózder: Onomastıka, Bilim, Mektep, Nur-Sultan,
Joǵary qaraı