Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elorda polıtseıleri qala aýmaǵynda qamysty órtegen kúdiktini ustady

2021 jyldyń 3 mamyr 2021 15:27

NUR-SULTAN. QazAqparat – Polıtseıler elordada qurǵaq shóp órtegen kúdikti adamdy ustady. Bul týraly qalalyq Polıtsııa departamentinen málim boldy, dep habarlaıdy QazAqparat tilshisi.

Budan buryn habarlanǵandaı, 2 mamyrda saǵat 12-22-de Nur-Sultan qalasynyń TJD Órt sóndirý bólimsheleri kelip túsken habarlamaǵa baılanysty Saryarqa aýdany, Bógenbaı dańǵyly 73/1 mekenjaıy boıynsha shyqty. Kelgen boıda qurǵaq shóptiń janýy jáne órt jaqyn mańdaǵy jeke úıge taralyp ketkeni anyqtaldy.

«Qyzmettiń ınspektorlary atalǵan aýmaqty tyńǵylyqty tekserdi. Osy oraıda kameralarǵa órt bolǵan jerden jasyrynǵan kúdikti adamdar túsip qalǵan», - dedi Polıtsııa departamenti jedel basqarý ortalyǵynyń basshysy Qaırat Raýshanov.

Belgili bolǵandaı, elorda turǵyndary saǵat 12:30 kezinde alkogoldik ishimdik iship otyrǵan. Olardyń biri janǵysh zatpen qaptalǵan symdardy órtegen. Osynyń saldarynan qyzyl jalyn tez arada qýrap turǵan qamysqa taralǵan. Qazirgi kezde kúdikti ustalyp, qylmystyq is qozǵaldy.


Joǵary qaraı