Elorda soty Qazaq kólik jáne kommýnıkatsııa akademııasyn lıtsenzııadan aıyrý sheshimin ózgerissiz qaldyrdy
NUR-SULTAN. QazAqparat – Nur-Sultan qalasynyń mamandandyrylǵan aýdanaralyq ákimshilik soty M.Tynyshbaev atyndaǵy Qazaq kólik jáne kommýnıkatsııalar akademııasyn bas lıtsenzııasynan aıyrý týraly QR BǴM qaýlysyn ózgerissiz qaldyrdy, dep habarlaıdy QazAqparat tilshisi.
Eske sala ketsek, bıylǵy qazan aıynda QR Bilim jáne ǵylym mınıstrliginiń Bilim jáne ǵylym salasyndaǵy sapany qamtamasyz etý komıteti M.Tynyshpaev atyndaǵy Qazaq kólik jáne kommýnıkatsııa akademııasyn bas lıtsenzııasynan aıyrý týraly sheshim qabyldady.
Búgingi sotta QR ÁQBK 464-baby 2-bóligine sáıkes, akademııanyń lıtsenzııadan aıyrý týraly mınıstrlik qaýlysyna shaǵymy qaraldy.
«Sot Bilim jáne ǵylym mınıstrliginiń M.Tynyshbaev atyndaǵy Qazaq kólik jáne kommýnıkatsııalar akademııasyn bas lıtsenzııasynan aıyrý týraly sheshimin óz kúshinde qaldyrdy. Akademııanyń bilim berý qyzmetine qatysty komıtet anyqtaǵan buzýshylyq faktilerin de sot rastady», – deıdi QR BǴM Bilim jáne ǵylym salasyndaǵy sapany qamtamasyz etý komıteti.
