Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elorda turǵyny Aqmola oblysynda bolǵan jol apatynan kóz jumdy

2021 jyldyń 26 shilde 2021 18:01

KÓKShETAÝ. QazAqparat – Aqmola oblysynda tasjolda adam ólimine ákelip soqqan jol apaty boldy. Eki avtokóliktiń soqtyǵysýy saldarynan elorda turǵyny qaza tapty, tórt jolaýshy Nur-Sultan qalasynyń aýrýhanasyna jetkizildi. Onyń arasynda úsh bala bar, dep habarlaıdy QazAqparat.

Aqmola oblysy polıtsııa departamenti baspasóz qyzmetiniń habarlaýynsha, 24 shilde kúni saǵat 11:35-te Tselınograd aýdanynyń polıtsııa bólimshesiniń kezekshi bólimine «Ekaterınbýrg-Almaty» avtojolynyń 1241-shaqyrymynda Y.Altynsarın aýylynyń mańynda jol apaty bolǵany jaıly habar kelip túsken.

«38 jastaǵy «Lada priora» markaly avtokóliktiń júrgizýshisi Nur-Sultan qalasynyń turǵyny Talapker aýyly baǵytymen kele jatyp, róldi basqara almaı, aldynda kele jatqan róldi 39 jastaǵy Talapker aýylynyń turǵyny tizgindegen «Lexus» markaly kólikpen soqtyǵysqan. Jol-kólik oqıǵasynyń saldarynan «Lada Priora» markaly avtokóliktiń júrgizýshisi alǵan jaraqatynan oqıǵa ornynda kóz jumdy», - dep atap ótti vedomstvo.

Atalǵan fakti QR QK 345-babynyń 3-bóligi boıynsha tirkeldi.

«Lada Priora» avtokóliginiń túrli jaraqat alǵan jolaýshylary - 31 jastaǵy elorda turǵyny men kámeletke tolmaǵan 8, 12, 17 jasar úsh bala Nur-Sultan qalasynyń aýrýhanasyna jetkizildi.

Taǵy úsh bala dárigerlerdiń tekserisinen keıin úıine jiberildi.

Polıtseıler atap ótkendeı, atalǵan is boıynsha tergeý amaldary jalǵasýda, saraptama taǵaıyndaldy.


Basty sózder: Jol, Kólik, Aqmola oblysy, Oqıǵa, Nur-Sultan,
Joǵary qaraı