Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elorda turǵyny oıyn alańynda júrgen balalardy bir-birimen tóbelesýge májbúrledi

2021 jyldyń 10 mamyr 2021 21:56

NUR-SULTAN. QazAqparat – Nur-Sultan qalalyq polıtsııa departamentiniń baspasóz qyzmeti jelide taraǵan vıdeoǵa qatysty túsinikteme berdi. Onda er adam oıyn alańynda balalardy bir-birimen tóbelesýge májbúrlegen, dep habarlaıdy QazAqparat.

«Áleýmettik jelilerge júrgizilgen monıtorıng jumystary barysynda er adamnyń balalardy tóbelesýge májbúrlegen vıdeosy anyqtaldy. Atalǵan fakti boıynsha polıtsııaǵa 37 jastaǵy qala turǵyny jetkizildi. Ol Babataıuly kushesindegi oıyn alańynda óziniń 8 jastaǵy balasy men ony renjitken 11 jastaǵy balany tóbelesýge shaqyrǵan»,-dep málimdedi Nur-Sultan qalalyq Polıtsııa departamentiniń baspasóz qyzmeti.

Tóbeles saldarynan 11 jastaǵy bala jaraqat alǵan. Zardap shekken balanyń anasynan kináli azamatqa shara qoldaný týraly aryz tústi.

Polıtsııa sonymen qatar er adamnyń ákimshilik jaýapqa tartylǵanyn habarlady. Іs materıaldary protsessýaldyq sheshim shyǵarý úshin mamandandyrylǵan aýdanaralyq sotqa joldandy.

Gur-Sultan qalasynyń Polıtsııa departamenti eresekter tarapynan mundaı qadamdarǵa jol berilmeıtinin eskertedi. Qoldanystaǵy zańnamaǵa baılanysty balalardyń quqyqtarynyń buzylǵany, olardyń densaýlyǵyna zaqym keltirgeni úshin jaýapkershilik qarastyrylǵan.



Basty sózder: Oqıǵa, Nur-Sultan,
Joǵary qaraı