Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Elorda turǵyny óz kóligin aıdap ketip, polıtsııaǵa aryzdanǵan

2021 jyldyń 23 aqpan 2021 12:53

NUR-SULTAN. QazAqparat – Elorda polıtsııasy óz kóligin aıdap áketýdi uıymdastyrǵan azamatty ustady, dep habarlaıdy QazAqparat tilshisi.

«102» kanalyna elorda turǵyny júginip, ótken jyly avtosalonnan kredıtke alǵan «Toyota RAV 4» markaly qymbat kóligin belgisiz adamnyń aıdap ketkeni jaıynda habarlady. Aıdap áketý faktisi beınebaqylaý kamerasyna túsip qalǵan. Onda belgisiz adam «Jastar» saraıy mańyndaǵy turaqtan kólikti aıdap áketip, qaladan tys shyǵyp ketken baıqalady. Jedel izdestirý is-sharasy barysynda 53 jastaǵy zardap shegýshiniń saqtandyrý tólemaqysyn alý jáne kredıt tóleýden jaltarý maqsatynda mashınasyn aıdap áketýdi uıymdastyrǵan. Qylmstyq josparyn aldyn ala oılastyrǵan ol bir tanysyna kólikti aıdap áketkeni úshin aqshalaı syıaqy berýge ýáde etken», - delingen Nur-Sultan qalalyq polıtsııa departamentiniń baspasóz qyzmetinen.

Kólikti aıdap áketken adam ony Almaty oblysy aýmaǵynda belgisiz adamǵa satyp jibergen. Qazirgi ýaqytta kólikti aıdap áketken adam ustalyp, jasaǵan áreketin moıyndap otyr. Al kóligin qasaqana urlatqan azamattyń ústinen jalǵan shaǵym jasaǵany úshin qylmystyq is qozǵaldy. Tergeý júrgizilip jatyr.

Osyǵan oraı Nur-Sultan qalalyq polıtsııa departamenti qasaqana jalǵan shaǵym jasaý 7 jylǵa deıin bas bostandyǵyna aıyrý jazasyna tartylýǵa ákep soǵatyndyǵyn eskertedi.


Joǵary qaraı