Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Elorda jastary»: Bıyl 200 astanalyq jas azamat baspanaly bolady

2021 jyldyń 13 qazan 2021 22:08

NUR-SULTAN. QazAqparat – Kúni erteń baspanaly bolǵysy keletin astanalyq jastar úshin «Elorda jastary» turǵyn úı baǵdarlamasy iske qosylady. Osy oraıda jańa turǵyn úı baǵdarlamasynyń sharty men artyqshylyǵy týraly «Otbasy banki» AQ basqarma tóraǵasy Lázzat Ibragımova aıtyp berdi, dep QazAqparat tilshisi.

«Elorda jastary» turǵyn úı baǵdarlamasy bizdiń bank pen qala ákimdiginiń birlesken jobasy. Baǵdarlamaǵa 35 jasqa deıingi azamattar qatysa alady. Jáne basymdyq jas otbasylarǵa beriledi. Onyń ishinde áleýmettik sala qyzmetkerleri, pedagogter, dárigerler, polıtseıler, órt sóndirýshiler jáne taǵy basqa. Atalǵan sala mamandarynyń qoǵamnyń damýy men qalanyń kúndelikti tirshiliginde alatyn orny erekshe. Olardyń tabysy joǵary emes, sondyqtan osy sanattaǵy mamandarǵa mán berilip otyr», - dedi Lázzat Ibragımova Baigenews.kz aqparat agenttigi jobasynyń tikeleı efırinde.

Onyń aıtýynsha, atalǵan baǵdarlamamen baspanaly bolǵysy kelgen astanalyq 10 paıyz alǵashqy jarna tóleıdi. Jáne ótinim maquldanǵan jaǵdaıda qatysýshyǵa 18 mln teńgege deıin nesıe beriledi.

«Baǵdarlamaǵa qatysýshy 18 mln teńgeniń ústine óz jıǵanyn qosyp páter satyp alýyna bolady. Jáne jańa baspanamen qatar qoldanystaǵy páterdi satyp alý quqyǵy da berilmek. Bıyl qolǵa alynǵan «Elorda jastary» turǵyn úı baǵdarlamasynyń bıýdjeti 3,6 mlrd teńge. Atalǵan soma jyl sońyna baıqaý shartyna sáıkes kelgen 200 astanalyq jas azamatqa tabys etiledi. Aldaǵy ýaqytta bul baǵdarlama jalǵasyn taýyp, aıasy keńeıe túsedi degen oıdamyn. Biz buǵan deıin osy jobany Almatyda júzege asyrdyq. Alǵashqy jyly 100-200 páterden bastasaq, bıyl ol kórsetkish 1 myń páterge deıin jetti», - deıdi ol.


Avtor Álı Ibraev
Basty sózder: Turǵyn úı, Nur-Sultan,
Joǵary qaraı