Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elordada 1 maýsymnan bastap taǵy bir aqyly turaq jumys isteı bastaıdy

2022 jyldyń 26 mamyr 2022 07:31

NUR-SULTAN. QazAqparat - Imanov kóshesi boıyndaǵy turaq aımaqtary 1 maýsymnan bastap aqyly bolady, dep habarlaıdy QazAqparat.

«Astana turaq keńistigi» mekemesiniń málimetinshe, aımaqty aqyly etý jumys kúni ishinde bos oryndar sanyn kóbeıtedi, ár turaq ornynyń aınalymyn arttyrady jáne bos turaq izdeýge jumsalatyn ortasha ýaqytty azaıtady.

«Avtoturaq shekarasyndaǵy úılerdiń turǵyndary úshin aıyna 1 500 teńge turatyn rezıdenttik abonement jumys isteıdi. Qujattar tizbesi jáne resimdeý jónindegi nusqaýlyq astanapark.kz saıtynyń «Rezıdentter» bóliminde ornalastyrylǵan. Turaqtardy paıdalanýǵa jumaslatyn qarajatty únemdeý úshin abonementter qoldanylady. Abonement ıeleri qala boıynsha barlyq aqyly aımaqtarda kólikterin turaqqa qoıa alady - tirkeý júıesi tólemniń bolýyn avtomatty túrde anyqtaıdy», - dep jazdy vedomstvodan.

Aıta keteıik, árbir turaq aımaǵynda aqparattyq qalqandar jáne aqyly turaq belgisi ornatylǵan. Qalqannyń joǵarǵy jaǵynda tórt tańbaly nómir ornalasqan. Bul nómir turaq aqysyn tóleý kezinde kórsetilýi kerek. Sondaı-aq, ýaqyt pen tehpasportqa sáıkes avtomobıldiń memlekettik nómirin jazý qajet.

Eske sala keteıik, elordada nómirleri 11**, 2***, 3***, 4*** dep bastalatyn aqyly avtoturaq aımaqtary jumys rejımine 2022 jylǵy 1 naýryzdan bastap aýystyryldy. Aqyly turaqtardyń jumys tártibi: jumys kúnderi saǵ. 8:00-den 20:00-ge deıin. Tólem alǵashqy 30 mınýtta jasalýy kerek. Demalys jáne mereke kúnderi turaqtar tegin.


Basty sózder: Nur-Sultan, Jol, Qarjy,
Joǵary qaraı