Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada 2 myńnan astam adam revaktsınatsııadan ótti

2021 jyldyń 8 jeltoqsan 2021 13:05

NUR-SULTAN. QazAqparat – Nur-Sultan qalasynyń bas memlekettik sanıtar dárigeri Sarhat Beısenova elorda turǵyndaryn revaktsınalaý jumysy jaıly baıandady, dep habarlaıdy QazAqparat.

«Qazirgi ýaqytta halyqty birinshi komponentpen vaktsınalaý - 65,6 paıyzdy, eki komponentpen – 61,4 paıyzdy qurady. Budan basqa, elordalyq medıtsınalyq uıymdarda halyqty qaıta vaktsınatsııalaý bastaldy, osydan 6-9 aı buryn ekpe alǵandar, ıaǵnı 2 100 adam Covid-19-ǵa qarsy revaktsınatsııadan ótti», - dedi Sarhat Beısenova elorda ákimdiginde ótken brıfıngte.

Buǵan deıin sanıtar dáriger koronavırýs ınfektsııasynyń omıkron shtamyn anyqtaý boıynsha júrgizilip jatqan jumystardy baıandaǵan edi.

«Eki aıda bir ret qalanyń epıdemıologııalyq qyzmeti, búkil respýblıka sekildi qandaı vırýs basym ekenin baqylaý úshin koronavırýs ınfektsııasynyń shtammdaryn anyqtaý jáne zertteý boıynsha monıtorıng júrgizedi. Qazir 35 synama zertteý satysynda tur. Sonyń nátıjesinde biz elordada jáne jalpy respýblıka boıynsha «omıkron» aınalymy bar-joǵyn aıta alamyz», - dedi ol.


Joǵary qaraı