Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Elordada 4 tomdyq «Qazaqtyń jalpy tarıhy» kitabynyń tusaýkeseri ótti

2020 jyldyń 12 jeltoqsan 2020 13:13

NUR-SULTAN.QazAqparat – Elordada qytaı tarıhshysy Sý Beıhaıdyń «Qazaqtyń jalpy tarıhy» atty 4 tomdyq eńbeginiń qazaqsha basylymynyń tusaýkeseri ótti, dep habarlaıdy QazAqparat QR Ulttyq akademııalyq kitaphananyń Instagram paraqshasyna silteme jasap.


Tusaýkeser rásimin L.N.Gýmılev atyndaǵy Eýrazııa ulttyq ýnıversıtetiniń prorektory, fılologııa ǵylymdarynyń doktory, akademık Dıhan Qamzabekuly basqardy.

Saltanatty rásimge belgili tarıhshy, Qazaq Bilim akademııasynyń akademıgi Búrkitbaı Aıaǵan, etnograf-ǵalym Aqedil Toıshanuly, belgili túrkolog, fılologııa ǵylymdarynyń doktory Qarjaýbaı Sartqojauly, túrkitanýshy ǵalym Nápil Bazylhan jáne basqa da zııaly qaýym ókilderi qatysty.

Tórt tomnan turatyn irgeli eńbektiń avtory qytaı tarıhshysy Sý Beıhaı, al qazaq tiline aýdarǵan L.N. Gýmılev atyndaǵy Eýrazııa ulttyq ýnıversıtetiniń Shyǵystaný kafedrasynyń professory Tursynhan Zákenuly.





Zertteý jumysy qazaq halqynyń erte zamannan XX ǵasyrdyń alǵashqy jartysyna deıingi tarıhyn tórt kezeńge bólip qarastyrǵan. Kitapta jazýshy qazaq etnogenezi men memlekettiliginiń negizin bizdiń dáýirimizge deıingi Saq, Úısin zamanynan bastap, Túrgesh qaǵanatyn Qazaq jerin eń alǵash biriktirgen qaǵanat (memleket) retinde qarastyrady. Eńbekte qazaq tarıhynyń hronologııalyq sheńberi keńeıtilip, mazmuny barynsha baıytylǵan.

Sharanyń shymyldyǵyn ashqan Dıhan Qamzabekuly «Qazaqtyń jalpy tarıhy» aýdarma eńbeginiń táýelsizdik jyldary qazaq tarıhy zertteý jumysyndaǵy aýyz toltyryp aıtarlyqtaı iri eńbek ekenin aıtty.





«Prezıdent Qasym-Jomart Toqaev osydan 15 jyl buryn elimizdiń syrtqy ister mınıstri bolyp turǵan kezinde Tursynhan Zákenulyna arnaıy hat jazyp, Sý Beıhaıdyń eńbegin qazaq oqyrmandaryna jetkizý týraly aıtqan. Búgingi kúni, osy eńbek ǵylymı jobanyń aıasynda oqyrmanǵa jol tartyp otyr»-,dedi Dıhan Qamzabekuly.

Aıta ktetıik, «Qazaqtyń jalpy tarıhy» qazaq tiline aýdarylyp basylyp shyqqannan keıin, Prezıdent Toqaev Tursynhan Zákenulyna quttyqtaý hatyn joldady.






Avtor Muhtar Qalımollauly
Basty sózder: Ǵylym, Qoǵam,
Joǵary qaraı