Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada 40 myń tekshe metrge jýyq qar shyǵaryldy

2021 jyldyń 27 qarasha 2021 23:09

NUR-SULTAN. QazAqparat - Qalanyń kommýnaldyq qyzmetteri kúsheıtilgen, táýlik boıǵy rejımde jumysyn jalǵastyrýda. 26 qarashadan 27-sine qaraǵan túni elordadan qar polıgondaryna 40 myń tekshe metrge jýyq qar shyǵaryldy, dep habarlaıdy Nur-Sultan ákimdiginiń resmı saıty.

Búginde elordada qar jınaý jumysyna 2 myńǵa jýyq jol jumysshy men 1700-den astam arnaıy tehnıka jumyldyryldy.

26 qarashadan 27-sine qaraǵan túni ǵana elordadan qar polıgondaryna 40 myń tekshe metrge jýyq qar shyǵaryldy.

Esterińizge sala keteıik, qalada barlyǵy 4 qar polıgony, rezervte taǵy 6 polıgon bar. Olardyń árqaısysynda táýlik boıy beınebaqylaý men baqylaýdyń zamanaýı júıesi ornatylǵan, ol arnaıy tehnıkanyń memlekettik nómirin kirý jáne shyǵý joldarynda, kelý ýaqyty men kúninde tirkep turady. Bul júktiń kólemi men mazmunyn esepke alýǵa múmkindik beredi.

Osylaısha, polıgon jumysyn tıisti baqylaý aýdandy sanıtarlyq tazalaýǵa jaýapty merdiger uıymdardy tártipke keltirýge jáne reısterdi tirkeý kezinde adamı faktorlardy boldyrmaýǵa múmkindik beredi.


Aıta ketý kerek, qar jaýǵaly beri qalanyń kommýnaldyq qyzmetteri kúsheıtilgen rejımde táýlik boıy jumys istep keledi. Birinshi kezekte, ereje boıynsha, joldarda keptelis bolmaýy úshin qozǵalysy óte qarqyndy ýchaskeler tazartylady. Sondaı-aq ortasha qarqyndy ýchaskeler – alańdar, vokzal mańyndaǵy aýmaqtar, trotýarlar, áleýmettik nysandarǵa kiretin joldar jáne t.b. qardan tazartylady.

Qys mezgili bastalǵannan beri qaladan 200 myń tekshe metrden astam qar shyǵaryldy, bul 18 myń júk kóligin qurady.


Basty sózder: Nur-Sultan, Qoǵam,
Joǵary qaraı