Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada 450 qoı jáne 21 sıyr qurbandyqqa shalyndy

2021 jyldyń 21 shilde 2021 01:20

NUR-SULTAN. QazAqparat – Qurban aıttyń birinshi kúni elordada 450 qoı jáne 21 sıyr qurbandyqqa shalyndy, dep habarlaıdy QazAqparat Qazaqstan musylmandary dinı basqarmasyna silteme jasap.

QMDB-nyń málimetinshe, elordada qurban shalý rásimi tańǵy saǵat 08:00-de bastaldy. Ákimdiktiń qoldaýymen qala boıynsha bıyl 4 nysan qurban.kz jobasy aıasynda qyzmet kórsetýge jumyldyrylǵan.

Qalanyń bas ımamy Erbolat Júsipov bastaǵan ókildik qyzmetkerleri atalǵan nysandardaǵy qurban shalý rásimin atqaryp, atalmysh saıt arqyly tapsyrys bergen jandardyń amanatyn oryndady. Árbir tapsyrys berýshiniń qurbandyǵyn soıý barysy beınejazbaǵa túsirilip, qurban shalýshylarǵa jóneltilip otyrdy.

«Qurban aıt merekesiniń alǵashqy kúni Nur-Sultan qalasy boıynsha 450 qoı jáne 21 sıyr qurbandyqqa shalyndy. Qurbandyq etteri sol jerden birden bólshektelip, arnaıy paketterge salynyp, eriktiler arqyly muqtaj jandardyń mekenjaıyna jol tartty. Igilikti shara aıt merekesi boıy, ıaǵnı úsh kúnge sozylady», - delingen aqparatta.

Buǵan deıin habarlaǵanymyzdaı, elimizdiń bas múftıi Naýryzbaı qajy Taǵanuly 2 myńnan astam qazaqstandyq onlaın qurbandyq shalǵanyn málimdegen bolatyn.

Basty sózder: Qurban aıt, Nur-Sultan, Din,
Joǵary qaraı