Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elordada 8-qabattaǵy sábıdi qutqarýǵa qatysqan Saǵı Jylqyshıev tósbelgimen marapattaldy

2022 jyldyń 13 mamyr 2022 11:29

NUR-SULTAN. QazAqparat – QR Tótenshe jaǵdaılar mınıstri astanada terezeden salbyrap turǵan sábıdi qutqarýǵa qatysqan Saǵı Jylqyshıevti tósbelgimen marapattady, dep habarlaıdy QazAqparat.

Marapattaý rásimi búgin Nur-Sultan qalalyq Tótenshe jaǵdaılar departamentinde ótti. Saǵı Jylqyshıev 8-qabattaǵy terezeden qulaǵaly turǵan baldyrǵandy qutqarǵan Sábıt Shontaqbaevqa kómek kórsetken.

S. Jylqyshıevke erligi úshin QR Tótenshe jaǵdaılar mınıstriniń buıryǵymen «Tótenshe jaǵdaıdaǵy erligi úshin» tósbelgisi, alǵys hat pen qolsaǵat tabystaldy.

Eske salaıyq, 11 mamyr kúni Sábıt dosymen birge tańerteń jumysqa bara jatqan kezde adamdardyń shoǵyrlanǵan tobyn jáne 8-qabat deńgeıinde aıǵaılap turǵan balany kórgen. Olar dereý podezge júgirip kirip, kórshiler arqyly 7-qabatqa kóterilgen. Sábıt pen Saǵı qutqarý sharalaryna birden kirisken. Sebebi árbir sekýnd mańyzdy boldy. Sabıt tereze arqyly syrtqa shyqqan. Al Saǵı bir qolymen dosynyń aıaǵyn, ekinshi qolymen terezeni ustap turdy.




«Biz aıǵaılaǵan daýystardy estip, ilinip turǵan balany kórdik. Oıymyz tek balany qutqarý boldy, oılanbastan júgirdik», - dep atap ótti Saǵı Jylqyshıev.

Eki dostyń birlesken kúsh-jigerimen sanaýly mınýtta qyz aman-esen qutqaryldy.

Bul oqıǵanyń vıdeosy jelide keń taralyp, er azamattardyń batyl áreketine kópshilik tánti boldy. QR Tótenshe jaǵdaılar mınıstriniń buıryǵymen aldymen, S.Shontaqbaev «Tótenshe jaǵdaıdaǵy erligi úshin» tósbelgisimen marapattaldy, Nur-Sultan ákimi Altaı Kólginov ony jeke qabyldap, Lokomotıv zaýytyna jumysqa ornalastyrylatynyn aıtty. Al «G-park» qurylys kompanııasy Sábıtke úsh bólmeli páter syıǵa tartty.

Keıin kóptegen qazaqstandyqtar men qoǵam belsendileri Sábıtke balany qutqarýǵa kómektesken Saǵıge de qurmet kórsetilýi kerektigin aıtty. Solaısha, kelesi kúni Saǵı Jylqyshıevke GBG qurylys kompanııasy eki bólmeli úı syılady. Al búgin ol mınıstrdiń marapatyn qolǵa aldy.









Joǵary qaraı