Aýa raıy
Astana 31 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Elordada ákki alaıaq 6 dúkenniń satýshysyn aldap ketti

2020 jyldyń 1 shilde 2020 17:29

NUR-SULTAN. QazAqparat – Elordada qol jyldamdyǵymen urlyq jasaýdy ádetke aınaldyrǵan alaıaq dúken satýshylarynyń aqshasyn qoldy etip kelgen. QazAqparat bul týraly QR ІІM baspasóz qyzmetine silteme jasap habarlaıdy.

Málim etilgendeı, alaıaq bir stsenarıımen áreket etken: dúkende taýardy satyp ala otyryp, satýshydan 20 myń teńgelik aqshany usaqtap berýdi ótinedi. Satýshynyń qolynan aqshany alyp, sanap turǵan ýaqytta baıqatpaı birneshe kýpıýrany kóz ilestirmes jyldamdyqpen jymqyryp otyrǵan. Aqshanyń usaqtalǵanyna kóńili tolmaǵan keıip tanytyp, óz 20 myń teńgesin qaıtarýdy talap etken. Eshteńeni oılap úlgermegen satýshylar aqshasyn qaıta beredi.

«Osyndaı jolmen ol alty dúkenniń satýshysyn aldaǵan. Polıtsııa qyzmetkerleri alaıaqtyq jasaǵan adamdy ustady», - dep habarlaıdy mınıstrlikten.

Ustalǵan azamat 42 jastaǵy qala turǵyny bolyp shyqty. Ol istegen isin birden moıyndaǵan. Qazirgi ýaqytta osy oqıǵalar boıynsha QR QK 190-babymen (alaıaqtyq) sotqa deıingi tergeý amaldary júrgizilip jatyr.


Avtor Aıan Bekenuly
Basty sózder: Nur-Sultan, Qylmyspen kúres,
Joǵary qaraı