Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada AQSh azamaty mas kúıde ustalyp, júrgizýshi kýáliginen aıyryldy

2021 jyldyń 26 shilde 2021 13:44

NUR-SULTAN. QazAqparat – 19-23 shilde aralyǵynda elordada «Quqyqtyq tártip» jedel profılaktıkalyq sharasy júrgizildi. Jol-kólik oqıǵalarynyń aldyn alý maqsatynda polıtseıler jol erejelerin buzǵan júrgizýshilerdi anyqtady, dep habarlaıdy QazAqparat tilshisi Nur-Sultan qalalyq Polıtsııa departamentiniń baspasóz qyzmetine silteme jasap.

Jedel aldyn alý sharasynyń qorytyndysy boıynsha, Nur-Sultan qalasynda 4000-ǵa jýyq ákimshilik quqyq buzý faktisi anyqtaldy. Olardyń 33-i – mas kúıinde kólik quralyn basqarý faktisi. Kólik basqarý quqyǵynan aıyrylǵan 4 júrgizýshi ustaldy. Qarsy jolaqqa shyǵýdyń 19 faktisi anyqtaldy, júrgizýshilerdiń jaıaý júrginshilerge jol bermegeni qamtylǵan 112 fakti tirkeldi, 730 jaıaý júrginshi joldy tıisti emes jerden kesip ótken.

Jedel aldyn alý sharasy barysynda polıtsııaǵa «Toyota» markaly avtokólikti mas júrgizýshi tizgindep kele jatqany týraly habar kelip túsken. Patrýldik polıtsııanyń mamandandyrylǵan batalonynyń qyzmetkerleri E-10 kóshesiniń boıynda avtokólikti toqtatty. Qujattaryn tekserý barysynda júrgizýshi AQSh azamaty ekeni anyqtaldy, avtokólik ıesi tizginde óziniń tanysyna bergen eken. Kólik ishinen ishimdiktiń ıisi shyǵyp turǵan. Júrgizilgen medıtsınalyq saraptama qorytyndysy boıynsha júrgizýshi jeńil dárejede mas kúıinde bolǵany anyqtaldy.

Mamandandyrylǵan aýdanaralyq ákimshilik sotynyń qaýlysymen kólik júrgizýshisi men ıesi arnaıy qabyldaý ornyna 15 táýlikke ornalastyryldy, sonymen qatar 7 jylǵa júrgizýshi kýáliginen aıyryldy. Kólik kommýnaldyq turaqqa ornatylǵan.


Basty sózder: Kólik, Zań,
Joǵary qaraı