Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada aqyn, jazýshylar Muqaǵalı Maqataev týraly esteliktermen bólisti

2021 jyldyń 24 qyrkúıek 2021 17:11

NUR-SULTAN. QazAqparat – Elimizge belgili aqyn, jazýshylar elordada bas qosyp, qazaq aqyny Muqaǵalı Maqataevty eske alyp, aqynmen kezdesken sátterden estelik áńgimeler aıtyp berdi, dep habarlaıdy QazAqparat tilshisi.

«Búginde Muqaǵalıdyń kózin kórip, aralasqan adamdardyń qarasy azaıyp kele jatyr. Aqyndy kórip, bilip, aralasqan adamdardyń biri — biz. Muqaǵalı kezdesken sátte ańqyldap áńgimesin aıtyp júretin aqjarqyn jan edi. Ol kezde men qazirgi QazUÝ-de oqytýshymyn. Bir kúni talapkerlerden oqýǵa túsý emtıhanyn qabyldap jatyp, terezeden qarap qalsam, balalaryn qoldap kelgen ata-analardyń qatarynda Muqań da otyr. Sóıtsem, onyń da balasy oqýǵa túsýge emtıhan tapsyryp jatyr eken. Astyna gazet tósip alǵan, aǵashtyń kóleńkesinde kópshilikpen birge otyr eken. Baıqap qalyp, dereý syrtqa shyqtym, aıtpaǵym ulylar qarapaıym bolady degen osy shyǵar», - dedi kórnekti qoǵam qaıratkeri, ǵalym Myrzataı Joldasbekov.




Memleket qaıratkeriniń aıtýynsha, Muqaǵalı Maqataev óte qarapaıym kisi bolǵan.

«Bir kúni Shona Smahanuly aǵamyzǵa sálem bereıin dep Jazýshylar odaǵyna keldim. Ol kezde aǵamyz odaqtyń poezııa bólimin basqaratyn edi. Sol bólimniń aldynda Muqaǵalıdy kórip qaldym, qolynda bıttiń qabyǵyndaı kitapshasy bar, ótken-ketkenge tyńdashy dep kitabynan úzindi oqyp bergisi kelipti, biraq oǵan toqtap jatqan eshkim joq. Men qasyna kelip em, Myrzash sen tyńdashy dep dep maǵan oqyp berdi. Sol áli esimde «Kógershinder» degen óleńin oqyp berdi. Osydan túıetin oı, adamnyń barynda qadiri joq dep beker aıtylmaǵan», - deıdi ol.

Sondaı-aq, aqyn týraly jyly lebizimen jazýshy, dramatýrg ári aqyn Aqushtap Baqtygereeva da bólisti.

«Muqaǵalı aǵamyzdyń kózin kórgender azaıyp keledi dedi Myrzataı úlkenimiz. Sonyń biri men edim, qolyma qalam alǵaly Jazýshylar odaǵyna baryp júrip sol kezdegi alyptardyń bárin kórdim desem de bolady. Sonyń biri ókinishke qaraı, Muhtar Áýezovti biraq ret kórý buıyrdy. Al Muqaǵalıǵa kelsek, men aǵammen sol kezdegi Juldyz jýrnalynda áriptes boldym, ol 1971-1972 jyldar edi. Kózben kórgennen keıin Muqaǵalı týraly kóp nárse aıtýǵa bolady. Biraq men Muqańmen alǵash tanysqan sátti eske túsirip, áńgimelegennen góri óleńmen jetkizsem deımin», - dedi A. Baqtygereeva.




Jáne aqyn M.Maqataevqa arnalǵan jańa óleńin jınalǵan qaýymǵa oqyp berdi.

«Bizdiń otbasymyz Muqaǵalımen asa jaqyn aralasty, onyń jaqsy jaǵynda, ómirdegi qıyndyqqa ushyraǵan sátterinde bilemiz. Ábish Kekilbaev, Asqar Súleımenov men bárimiz Muqaǵalıdyń úıine qonaqqa jıi baratynbyz, ne úshin bara beretinimizdi bilmeımin. Lashyn etin asyp kútip alatyn bizdi, árıne ol kezde jaspyz. Olar 4 bólmeli úıde turatyn. Onyń 2 bólmesinde Muqaǵalı áıeli jáne 4 balasymen tursa, qalǵan 2 bólmesinde Taıyr Jaroktyń balasy turyp jatty. Úıine barǵanda bizge jańa shyǵarǵan ódeńderin oqyp beretin», - degen estiligimen bólisti belgili aqyn Altynshash Jaǵanova.




Aıta ketsek, búgin elordadaǵy Ulttyq mýzeıde el Táýelsizdiginiń 30 jyldyǵy men qazaq poezııasynyń klassıgi Muqaǵalı Maqataevatyń 90 jyldyǵyna arnalǵan «Poezııa alyby – Muqaǵalı Maqataev» atty dóńgelek ústel ótti.

Atalǵan jıyndy QR Mádenıet jáne sport mınıstrligi qoldap, QR Ulttyq akademııalyq kitaphanasy, QR Ulttyq mýzeıi jáne Nur-Sultan qalasynyń Mádenıet basqarmasynyń uıymdastyrýymen ótti.

Sharaǵa elimizge belgili aqyn-jazýshylar men qoǵam qaıratkerleri qatysty.














Joǵary qaraı