Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada áleýmettik osal topqa jatatyn turǵyndardyń úıine gaz tartý úshin ótemaqy berý qarastyrylýda

2021 jyldyń 23 qyrkúıek 2021 19:42

NUR-SULTAN. QazAqparat – Nur-Sultan qalasy boıynsha kógildir otynnyń qazirgi baǵasy belgili boldy, dep habarlaıdy QazAqparat tilshisi.

«Búginde 15 myńnan astam turǵynǵa gazdandyrý protsesine qatysty keńes berildi. Baǵaǵa kelsek, 2021 jylǵy 1 shildede bekitilgen tarıfke sáıkes elordada gazdyń ár tekshe metri 38,3 teńgeni quraıdy. Sondaı-aq, tutynýshylardyń gazǵa qosylý shyǵyndaryn azaıtý maqsatynda qalalyq Áleýmettik qorǵaý basqarmasy áleýmettik osal topqa jatatyn turǵyndar úshin 263 myń teńge mólsherinde ótemaqy qarastyryp otyr. Sol sııa q ty halyqty kógildir otynmen qamtý jobasy aıasynda gaz baǵasyn esepteý quralyn satyp alý qarastyrylǵan jáne ol tutynýshylarǵa tegin taratylady. Odan bólek, qala ákimdigi «Halyq banki»-men memorandým jasasty. Onyń aıasynda úıime gaz tartam degen turǵyndarǵa bir jarym jyl merzimge 750 myń teńgege deıin paıyzsyz nesıe beriledi», - dedi Nur-Sultan qalasy Otyn-energetıkalyq kesheni jáne kommýnaldyq sharýashylyq basqarmasynyń basshysy Tólegen Qulushev.

Buǵan deıin atalǵan basqarma basshysy elordany gazǵa qosý qaladan shyǵatyn qaldyqtardyń kólemin 40 myń tonnaǵa deıin azaıtýǵa múmkindik beretini týraly aıtty.

Aıta ketsek, búgin Nur-Sultan qalasy máslıhatynyń turaqty komıssııa otyrysynda elorda jurtshylyǵyn kógildir otynmen qamtý máselesi qaraldy.


Avtor Álı Ibraev
Basty sózder: Nur-Sultan, Energetıka,
Joǵary qaraı