Aýa raıy
Astana -26 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Elordada anımatsııalyq fılmder festıvali ótip jatyr

2020 jyldyń 31 qazan 2020 11:19

NUR-SULTAN. QazAqparat - Búgin Nur-Sultanda Halyqaralyq ÁMEN Animation film festival-iniń ashylý rásimi ótti, dep habarlaıdy QazAqparat.

Óner merekesine túrki elderiniń, atap aıtqanda, Túrkııa, Ózbekstan, Qyrǵyzstan, Tatarstan jáne Bashqurtstan ókilderi qatysýda.

Festıvaldiń ashylýyna oraı otandyq mýltıplıkatsııa salasyna jaýapty qurylymdar men anımatsııa mamandarynyń qatysýymen «Qazaq anımatsııasynyń kókeıkesti máseleleri» taqyrybynda onlaın dóńgelek ústel uıymdastyryldy.

Jıynda ÁMEN Animation film festival-iniń prezıdenti ári dóńgelek ústel moderatory Maqpal Jumabaı festıvaldiń maqsaty men mindetterine toqtaldy.

Ámen Qaıdarovtyń izbasary, QR Eńbek sińirgen qaıratkeri Jáken Dánenov kınofestıvaldiń ashylýymen quttyqtap, aq jol tiledi. Sonymen qatar Qazaqstan aýmaǵynda habar taratatyn sheteldik balalar arnalarynyń ónimderin qazaq tiline aýdarý jaıly usynys bildirdi.

Festıvaldiń ashylýyna qatysqan QR Aqparat jáne qoǵamdyq damý vıtse-mınıstri Bolat Ánapııauly mınıstr Aıda Balaevanyń quttyqtaýyn jetkizdi.

«Qoǵamymyzdyń keleshek gúldenýi de, ómirimizdiń ónegeli túrlenýi de, jas urpaqqa berer búgingi tárbıemiz de tálim-tárbıege, úlgi-ónegege baılanysty ekeni anyq. Bul rette elimizdegi qazaq anımatsııasynyń basy-qasynda júrgen talant ıeleri ulttyq mýltıplıkatsııanyń básekege qabilettiligin shyńdap, sonyń ishinde qazaq tildi balalar kontentiniń aýqymyn keńeıtip, qarqynyn odan ári údetedi dep senemiz. Árıne bul baǵyttaǵy arqalap júrgen júktiń salmaǵy aýyr. Sondyqtan osy izgi sharýaǵa bel sheshe kirisip, berekesin keltirip júrgen otandyq anımatorlar qaýymyna zor alǵysymdy aıtamyn», – delingen hatta.

Ámen kınofestıvalin erekshe mártebeli shara dep atap ótken Bolat Ánapııauly otandyq anımatsııa salasynyń damý qarqynyn joǵary baǵalady. Sondaı-aq, Jáken Dánenovtiń usynysyn quptaı kele, elimizde habar taratatyn sheteldik balalar telearnalaryn qazaqshalaý máselesi ózekti taqyryp ekenin aıtty.

QR Mádenıet jáne sport mınıstri Aqtoty Raıymqulovanyń festıval uıymdastyrýshylaryna joldaǵan quttyqtaýyn dóńgelek ústel barysynda mınıstrdiń keńesshisi Erlan Jurynbaev jetkizdi.

Mınıstr: «Bıylǵy kúlli álem úshin syndarly kezeńge qaramastan, osymen ekinshi ret ótip jatqan festıval taqyryby jaǵynan jańa, áralýan talaı týyndyny kórermenge usynǵaly otyr. Kún ótken saıyn eselenip damyp kele jatqan zamanaýı tehnologııa jeńisiniń biri – anımatsııa kópshiliktiń joǵary baǵasyna ıe bolyp, aıasyn keńeıtip keledi. Osy oraıda, eren eńbekti qajet etetin fılmder sherýin uıymdastyýshylarǵa alǵys aıtamyz. Osy jyly shekarasyn keńeıtip túbi bir túrki elderi ókilderiniń basyn qosqan festıval jumysyna sáttilik tileımiz», – dep lebiz bildirgen.

Sonymen qatar Erlan Jurynbaev otandyq kınoóndirýshilerdi qoldaý maqsatynda mınıstrlik zańnamalyq máselelerdiń keshendi túrde sheshilip jatqanyn málimdedi.

QR Mádenıet jáne sport mınıstrliginiń Til saıasaty komıtetiniń tóraǵasy Ádilbek Qaba anımatsııanyń ultty tárbıeleýshi strategııalyq mánine asa mán berip, aldaǵy ýaqytta komıtet tarapynan da birqatar mańyzdy joba men sheshimderdiń júzege asyrylatynyn atap ótti.

Budan bólek, jıynda «Rýhanı jańǵyrý» qazaqstandyq qoǵamdyq damý ınstıtýty» KEAQ «Rýhanı jańǵyrý» ortalyǵynyń basshysy Janar Boqanova memlekettik tildi damytýdaǵy anımatsııanyń róline toqtaldy. Óz sózinde «Rýhanı jańǵyrý» baǵdarlamasynyń anımatsııamen ushtasatyn bólimi bolýy keregin, memlekettik jáne jeke menshik seriktestikke qurylǵan arnaıy baǵdarlama qabyldaıtyn ýaqyt kelgenin, sol sebepti anımatsııany damytý boıynsha arnaıy jol kartasy daıyndalatynyn jetkizdi.

Al «Balapan» telearnasynyń bas prodıýseri Sandýǵash Baımahanqyzy balalar arnasynyń mýltıplıkatsııa salasyn damytýǵa qosyp jatqan úlesi zor ekenin atap ótti. ıAǵnı, «Balapan»-nyń otandyq naryqtaǵy anımatsııalyq jobalardyń 90 paıyzǵa jýyǵyn óndiretinin aıta kele, qazaq tilindegi anımatsııalyq kontenttiń sanyn arttyryp, tapsyrys kózderin kóbeıtý máselesin alǵa tartty.

Ulttyq kınony qoldaý memlekettik ortalyǵy basqarma tóraǵasynyń orynbasary Aıdar Asqaruly kıno ortalyqtyń qarjylandyrýymen júzege asyrylǵan anımatsııalyq jobalarǵa toqtalyp, otandyq mýltıplıkator mamandarǵa rızashylyǵyn jetikizdi. Sondaı-aq, Sh. Aımanov atyndaǵy «Qazaqfılm» AQ» anımatsııalyq stýdııasynyń basshysy Adaı Ábdilda anımatsııa salasynda bilim granttaryn kóbeıtý jáne jas mamandardyń álemdik ozyq anımatsııalyq stýdııalarda kásibı taǵylymdamadan ótip, tájirıbe almasýyna múmkindik jasaý jaıly sóz qozǵady.

Budan bólek, Qazaqstandyq anımatsııalyq kınostýdııalar qaýymdastyǵynyń basshysy Jánibek Orazaly memleketke qarasty anımatsııalyq ortalyq qurý jaıly tilegin bildirse, «Dala animatoin» anımatsııalyq stýdııasynyń dırektory, rejısser-anımator Dılshat Rahmatýllın balalarǵa arnalǵan kontent jasaıtyn jeke stýdııalardy tehnıkalyq modernızatsııadan ótkizý úshin memleket tarapynan sýbsıdııa bólý tájirıbesin usyndy.

«SAQ» kınostýdııasynyń dırektory, prodıýser – Nurıddın Patteev otandyq anımatsııalyq ónimderdiń qarjylandyrýyn júıeleý jáne tólem tarıfıkatsııasyn retteý máselesin alǵa tartty. Al «Anyz film» anımatsııalyq stýdııasynyń dırektory, rejısser-anımator Turdybek Maıdan otandyq tolyqmetrli anımatsııalyq fılmderdiń prokattyq kórsetilimin uıymdastyrý máselesine toqtaldy.

Bıyl festıval qorjynyna 47 fılm usynylyp, onyń 37-si irikteýden ótti. Sondaı-aq, úsh el mamandarynyń atsalysýymen 11 master-klass uıymdastyrylyp, oǵan 100-den asa qatysýshy tirkeldi. Al «Qazaq anımatsııasynyń retrospektıvasy» baǵdarlamasy negizinde 16 fılm kórsetilip, otandyq «Mahambet» mýltfılminiń halyqaralyq kórsetilimi jáne Túrkııalyq «Rafadan Taıfa jerasty hıkaıalary» fılminiń Qazaqstandaǵy tusaýkeseri uıymdastyrylýda.

Baıqaýǵa tórelik etetin qazylar alqasynyń quramy óte bilikti mamandardan jasaqtalyp otyr. Olardyń qatarynda kınotanýshy, PhD doktory, T. Júrgenov atyndaǵy Qazaq ulttyq óner akademııasynyń «Kıno tarıhy jáne teorııasy» kafedrasynyń dotsenti Baýbek Nógerbek, QR mádenıet qaıratkeri, «Eren eńbegi úshin» medaliniń ıegeri, «SAQ» kınostýdııasynyń bas rejısseri Batyrhan Dáýrenbekov, jazýshy-dramatýrg, QR Eńbek sińirgen qaıratkeri Roza Muqanova, Japonııalyq anımatsııa kınorejısseri, «Netflix», «Warner Brothers», «Disney», «Mad House», «Studio 4C» kompanııalarymen birlese jumys istegen Ashıno Ioshıharý, anımatsııalyq kıno rejısseri, QHR-dyń Beıjiń qalasyndaǵy «Qyran» stýdııasynyń dırektory Arysbek Muqan, jas ánshi, respýblıkalyq jáne halyqaralyq án baıqaýlarynyń jeńimpazy, «Junior Eurovision-2020» qatysýshysy Qaraqat Bashanova, rejısser, prodıýser, «Qazart» kınostýdııasynyń dırektory, «ÁMEN Animation film festival – 2019» júldegeri Qasıet Saqıolla syndy elge belgili mamandar jáne álemdik deńgeıdegi anımatsııa sheberleri de bar.

Kınofestıval uıymdastyrýshylary – «OzgeEpic» zamanaýı óner keńistigi men Qazaqstan anımatsııalyq kınostýdııalar qaýymdastyǵy.


Basty sózder: Mádenıet, Óner, Qoǵam,
Joǵary qaraı