Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada «Ańsaǵan sábı» baǵdarlamasy boıynsha tuńǵysh bala dúnıege keldi

2021 jyldyń 2 jeltoqsan 2021 21:01

NUR-SULTAN. QazAqparat - Salmaǵy 3 550 g jáne boıy 58 sm, deni saý bala elordanyń №2 Kópbeıindi qalalyq aýrýhanasynyń akýsherlik blogynda dúnıege keldi, dep habarlaıdy QazAqparat Nur-Sultan ákimdiginiń resmı saıtyna silteme jasap.

Qala turǵyny (ótinishi boıynsha aty-jóni kórsetilmeıdi) alǵashqylardyń biri bolyp «Ańsaǵan sábı» baǵdarlamasy boıynsha EKU júrgizýge kvota aldy.

Ol úshin turǵylyqty jeri boıynsha emhanaǵa júgindi.

«Ańsaǵan sábı» jańa baǵdarlamasy týraly estigende kúıeýim ekeýmiz baǵymyzdy synap, qatysý týraly sheshim qabyldadyq. Aldymen óz emhanamyzǵa baryp, qajetti qujattardy tapsyrdyq. Bala – ómirdiń máni. Ókinishke qaraı, uzaq ýaqyttan beri bala súıe almaı júrdik», - deıdi baqytty ana.

Tekserýden keıin júrgizilgen konservatıvtik terapııanyń áseriniń joqtyǵyn eskere otyryp, erli-zaıyptylar dárigerlik konsılıýmnyń sheshimi boıynsha MÁMS sheńberinde EKU rásimin júrgizý úshin kezekke qosyldy.

«Jeltoqsan aıynda densaýlyq saqtaý basqarmasy jumys komıssııasynyń maquldaýyn alyp, №272 buıryqtyń krıterıılerine sáıkestigin eskerip, MÁMS sheńberinde EKU ótý úshin kvota aldy. Patsıent EKU jasaý úshin Almaty qalasyndaǵy Reprodýktıvti medıtsına ınstıtýtyn tańdap, 12 aptaǵa deıin der kezinde esepke turdy, ary qaraı aýrýhanamyzdaǵy dárigerlerdiń barlyq usynysyn ustandy», - deıdi akýsher-gınekolog Alýa Mansurova.

Búkil pregravıdarlyq kezeń jáne EKU rásimi aldyndaǵy daıyndyq, júktilikti baqylaý jáne bosanýdyń ózi Nur-Sultan qalasynyń №2 kópbeıindi aýrýhanasynyń qabyrǵasynda ótti.

Sábıdiń anasy «Ańsaǵan sábı» baǵdarlamasy ata-ana baqytyn syılaǵanyn aıryqsha atap ótti.

«Bul baǵdarlama balaly bolǵysy keletin erli-zaıyptylar úshin úlken múmkindik. Buryn biz aqyly negizde EKU jasadyq, biraq bári sátsiz aıaqtalǵan. Bul joly da úmitimiz oryndalmaıdy dep qatty alańdap edik, baqytymyzǵa qaraı ata-ana atanyp otyrmyz. Bizdi júktilikke deıin jáne júktilik kezinde basy-qasymyzda bolǵan dárigerlerge alǵysym sheksiz. Aýrýhananyń barlyq medqyzmetkerine raqmet aıtqym keledi. Biz baqyttymyz!» - dep qýanyshyn bólisti.

Prezıdenttiń Qazaqstan halqyna Joldaýyn iske asyrý aıasynda «Ańsaǵan sábı» baǵdarlamasy boıynsha 2021 jyly Nur-Sultan qalasyna 487 kvota bólindi.

Bul ótken jylmen salystyrǵanda 7 ese kóp.

Uzaq ýaqyt nekede turǵan kóptegen elordalyq MÁMS aıasynda EKU baǵdarlamasynan ótý múmkindigine ıe boldy.


Joǵary qaraı