Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada Astana Marathon-2021 kezinde birneshe kóshe jabylady

2021 jyldyń 25 qyrkúıek 2021 09:46

NUR-SULTAN. QazAqparat - Elordada 26 qyrkúıek kúni Astana Marathon-2021 ótedi. Osyǵan baılanysty júgirý baǵyty tolyq nemese ishinara ótetin kósheler jabylady, dep habarlaıdy Nur-Sultan ákimdiginiń resmı saıty.

Astana Marathon-2021 marafonyn ótkizýge baılanysty 26 qyrkúıekte saǵat 7:00-den 14:00-ge deıin júgirý baǵyty boıynsha kólik qozǵalysy tolyǵymen shekteledi.

Osy ýaqytta júgirý baǵyty ótetin kósheler tolyǵymen nemese ishinara jabylady. Jelaıaqtar eki qashyqtyq boıynsha júgiredi: 10 km jáne 42,2 km.

10 km qashyqtyqta ótetin baǵyt: Rysqulov – Qabanbaı batyr – Orynbor – Máńgilik El – Rysqulov baǵyty boıynsha ótedi.

42.2 km júgirý kelesi baǵyt boıynsha ótedi: Rysqulov – Qabanbaı batyr – Orynbor – Máńgilik el – Qaldaıaqov – Panfılov – Táýelsizdik – Nájimedenov – Nurmaǵambetov – Baıtursynov – Qoshqarbaev – Jumabaev – Momyshuly – Abylaı han – Qajymuqan – Jumabaev – Qoshqarbaev – Qonaev – Qazaq radıosy – Dostyq – Máńgilik El – Rysqulov.

Sonymen qatar, marafondy ótkizý aıasynda saǵat 07:00-den 14:00-ge deıin 57 qozǵalystaǵy qoǵamdyq kóliktiń júrý baǵyty ózgeredi. Olar: № 2, 3, 4, 4A, 5, 5A, 8, 9, 10, 11, 12, 13, 14, 19, 20, 21, 22, 22A, 23, 24, 25, 28, 29, 30, 31, 33, 35, 37, 40, 41, 44, 46, 48, 51, 52, 53, 54, 56, 60, 61, 70, 71, 72, 73, 80, 302, 303, 304, 308, 309, 313, 314, 315, 316, 318, 320, 321.

Sondaı-aq 7 baǵyttyń qozǵalysy toqtatylady: №№ 15, 15a, 18, 32, 47, 50, 323.

Joǵaryda atalǵan baǵyttar boıynsha qoǵamdyq kóliktiń jumysy kósheler ashylǵannan keıin qalpyna keltiriledi.

Marshrýttardyń qozǵalys shemasyn «City Transportation Systems» kompanııasynyń Instagram jelisindegi resmı paraqshasynan tabýǵa bolady: @cts_kz.

Osyǵan baılanysty elorda turǵyndary men qonaqtary qozǵalys baǵytyn aldyn ala josparlaýy qajet.


Basty sózder: Sport, Qoǵam, Nur-Sultan,
Joǵary qaraı