Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada avtobýs jáne taksı júrgizýshileri eki kúnde 131 ret ereje buzǵan

2021 jyldyń 9 maýsym 2021 12:59

NUR-SULTAN. QazAqparat – Elordada jol-kólik oqıǵalaryna jol bermeýge arnalǵan «Qaýipsiz jol» jáne «Avtobýs» Respýblıkalyq jedel-profılaktıkalyq is-sharalary ótip jatyr, dep habarlaıdy QazAqparat tilshisi.

Qalalyq Polıtsııa departamentiniń baspasóz qyzmeti joldaǵan aqparatqa súıensek, bul sharalar qala aýmaǵynda jol-kólik oqıǵalary men jazataıym oqıǵalardy azaıtyp, jol erejesin óreskel buzý faktileriniń alyn alýǵa baǵyttalǵan.

Patrýldik polıtsııa polkiniń komandıri Nurlan Qalıevtiń aıtýynsha, 17 mamyrdan bastap «Qaýipsiz jol» jedel aldyn alý sharasy aıasynda 6540 jol erejesin buzý faktisi anyqtalǵan. Reıd kezinde kólikti mas kúıinde júrgizý, jyldamdyqty arttyrý, qarsy baǵytqa shyǵý, qıylystar men jaıaý júrginshiler ótkelindegi qozǵalys, jolaýshylar men aýyr salmaqty júkterdi tasymaldaý, júrgizýshilerdiń reıs aldynda tıisti medıtsınalyq tekserýden ótýi, qaýipsizdik beldikteri men balalardy ustaıtyn qurylǵylardy paıdalaný sııaqty máselelerge erekshe nazar aýdarylmaq.

«Eki kún ishinde «Avtobýs» jedel aldyn alý is-sharasy aıasynda avtobýs jáne taksı júrgizýshileri jol erejelerin 131 ret buzǵan. Nur-Sultan qalasynyń Polıtsııa departamenti jol qozǵalysynyń barlyq qatysýshylaryn jol júrý erejelerin saqtaýǵa, qyraǵy jáne muqııat bolýǵa shaqyrady», - dep jazylǵan departamenttiń resmı málimetinde.


Joǵary qaraı