Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Elordada bir táýlikte 58 jol-kólik apaty boldy: Polıtseıler úndeý jasady

2021 jyldyń 16 aqpan 2021 16:42

NUR-SULTAN. QazAqparat – Elordanyń polıtsııa qyzmetkerleri aýa raıynyń kúrt jylynyp, joldardyń taıǵaq bolýyna baılanysty qala turǵyndaryn abaı bolýǵa shaqyrdy, dep habarlaıdy QazAqparat tilshisi.

Ótken táýlikte elorda aýmaǵynda 58 jol-kólik oqıǵasy, al túnde 13 oqıǵa tirkelgen. Tańerteńnen beri taǵy 24 kólik apaty esepke alyndy. Abyroı bolǵanda jol oqıǵalary kezinde zardap shekkender joq.

«Júrgizýshilerge kóshe qıylysynan jáne jaıaý júrginshiler jolaǵynan ótken kezde barynsha qyraǵylyq tanytyp, jyldamdyq rejımin qatań saqtaýǵa keńes beremiz. Jaıaý júrginshiler úshin taıyp qulaǵan sátte jaraqattaný qaýpi joǵary. Qala turǵyndarynan joldan jáne jaıaý júrginshiler jolaǵynan ótken kezde saqtyq sharalaryn ustanýdy ótinemiz. Nur-Sultan qalalyq Polıtsııa departamenti aýa raıynyń nasharlaýyna jáne joldyń durys kórinbeýine baılanysty qalaaralyq kólik quraldarynyń qozǵalysy oqtyn-oqtyn shekteletindigin eskertedi. Júrgizýshilerge qalaaralyq saparlardan bas tarta túrýǵa jáne aýa raıy men tas joldardyń jaı-kúıi týraly habarlamalardy qadaǵalap otyrýǵa keńes beremiz», - dedi elorda polıtsııasynan.

Aıta keteıik, qalalyq Tótenshe jaǵdaılar departamenti 17 aqpan kúni elordada tuman, jaıaý burqasyn men kóktaıǵaq bolatynyn eskertedi. Soltústik-batystan soǵatyn jel soltústik-shyǵysqa aýysyp, kúshi túnde 3-8 m/s, kúndiz 9-14 m/s jetedi. Aýa temperatýrasy - túnde -13-15°S, kúndiz -9-11°S.


Joǵary qaraı