Aýa raıy
Astana 11 °S
Almaty 13 °S
valıýta baǵamy
USD 421.58
EUR 496.83
RUB 5.53
CNY 62.20

Elordada bıyl otbasylyq janjalǵa qatysty 10 myńnan astam shaǵym túsken

2020 jyldyń 24 qyrkúıek 2020 16:35

NUR-SULTAN. QazAqparat - Jyl basynan beri elorda polıtsııasyna otbasylyq-turmystyq sıpattaǵy 10 myńnan astam qońyraý tústi, dep habarlaıdy QazAqparat tilshisi.

Nur-Sultan qalalyq Polıtsııa departamenti Áıelderdi zorlyq-zombylyqtan qorǵaý bólimshesiniń aǵa ınspektory Gúlmıra Shrahmetovanyń aıtýynsha, áıelderge qatysty qylmystarǵa jol bermeý jáne onyń aldyn alý maqsatynda azamattardyń arasynda aqparattandyrý, túsindirý jumystary júrgizilip keledi. Buǵan qosa, atalǵan bólimshe ınspektorlary ómirlik qıyn jaǵdaıǵa tap bolǵan áıelderde kómek kórsetýdiń jańa ádisterin de engizip jatyr.

«Biz jedel den qoıý maqsatynda turmystyq zorlyq-zombylyq qurbandaryna arnalǵan jasyryn algorıtm ázirledik. Bizdiń 102 nómirimizge qońyraý shalyp, «maska men antıseptık tústi» degen kilt sózdi aıtyp, mekenjaıyńyzdy atasańyz bolǵany. Operator sóz turmystyq zorlyq-zombylyq jaıynda bolyp otyrǵandyǵyn birden biledi. Soǵan oraı atalǵan mekenjaıǵa birden polıtsııa jiberiledi. Turmystyq zorlyq-zombylyqtan zardap shegýshiler sanynyń ásirese karantın engizilgen kezeńde aıtarlyqtaı arta túskendigi qupııa emes. Tek osy jyldyń basynan beri 102 nómirine otbasylyq-turmystyq qarym-qatynas salasy boıynsha 10 myńnan astam qońyraý tústi», - dedi Gúlmıra Shrahmetova.

Onyń aıtýynsha, kómekke muqtaj áıelderge sep bolatyn qupııa sóz qaýipsizdik maqsatynda únemi ózgertilip otyrady. Al qupııa sózdiń bar ekendigi týraly aqparatty Áıelderdi zorlyq-zombylyqtan qorǵaý bólimshesiniń ıspektorlary kúndelikti jumystary barysynda halyqqa jetkizip, paıdaly aqparattar jınaqtalǵan býkletti azyq-túlik dúkenderi men dárihanalarda qaldyrady. Sonymen qatar kóshede jaıaý júrginshilerge taratyp beredi.


Joǵary qaraı