Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada BMW 4 jasar sábıdi qaǵyp, mert qyldy

2021 jyldyń 17 sáýir 2021 00:02

NUR-SULTAN. QazAqparat –Elordada «BMW X5» kóligi 4 jasar sábıdi qaǵyp ketip, mert qyldy. Bul týraly Nur-Sultan qalalyq Polıtsııa departamentiniń baspasóz qyzmetinen málim etti, dep habarlaıdy QazAqparat tilshisi.

«16 sáýir kúni saǵat 19.21-de 102 kanalyna Saryarqa dańǵyly boıyndaǵy úılerdiń biriniń aýlasynda balany kólik qaǵyp ketkeni týraly habarlama tústi. «BMW X5» kóliginiń 25 jastaǵy júrgizýshisi alǵa jyljyp kele jatyp, samokatpen syrǵanap júrgen 4 jasar sábıdi qaǵyp ketkeni anyqtaldy. Sábı alǵan jaraqatynan qaza tapty. Atalǵan fakti boıynsha QR QK 345-baby 3-bóligi boıynsha qylmystyq is qozǵaldy. Júrgizýshi ýaqytsha oqshaýlaǵyshqa qamaldy», - dedi vedomstvodan.

Osyǵan oraı Polıtsııa departamenti júrgizýshilerge turǵyn úı aýmaǵynda jáne aýlalarda júrgen kezde barynsha saq bolýǵa shaqyrady. Kólik quraldaryn úıge kire beristen balalar oıyn alańyna deıingi baǵdarǵa kólikterin qoımaý qajettigin eskertedi. Sonymen qatar kámeletke tolmaǵan balalardyń ata-analarynyń qaperine olardy qaraýsyz qaldyrmaýǵa jáne jol boıynda oınaý qaýipti ekendigin eskertýge keńes beredi.


Avtor Marlan Jıembaı
Basty sózder: Oqıǵa, Nur-Sultan, Qoǵam,
Joǵary qaraı