Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Elordada boıjetken úshin janjaldasqan jigitter qarýdan oq atqan

2021 jyldyń 24 qańtar 2021 12:06

NUR-SULTAN. QazAqparat – Elordada boıjetken qyz úshin janjaldasqan jigitter úıdiń aýlasynda qarýmen atysqan. Bul týraly qalalyq Polıtsııa departamenti baspasóz qyzmetinen málim boldy, dep habarlaıdy QazAqparat tilshisi.

«24 qańtarda 102 pýltine túngi saǵat 1:09 shamasynda 19 jáne 23 jastaǵy eki er adam atys qarýynan alǵan jaraqatpen qalalyq aýrýhanaǵa jetkizilgeni týraly málimet kelip tústi. Osyǵan deıin ózara tanys adamdar arasynda qyz úshin tóbeles bolǵany, sonyń saldarynan qarý qoldanylǵany anyqtaldy», - delingen polıtsııa málimetinde.

Belgili bolǵandaı, atalǵan janjalǵa qatysqan barlyq adamdar ustalyp, «Baıqońyr» aýdany polıtsııa basqarmasyna jetkizildi. Atalǵan fakt boıynsha qylmystyq is qozǵalyp, tergeý amaldary júrip jatyr.


Joǵary qaraı