Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada «Bus Lane» jolaǵy taǵy bir kóshege engiziledi

2021 jyldyń 22 qyrkúıek 2021 23:14

NUR-SULTAN. QazAqparat - Nur-Sultan qalasynda 25 qyrkúıekten bastap Muhamedhanov kóshesinde Aıtmatov kóshesinen Turan dańǵylyna deıin «Bus Lane» jolaǵy iske qosylady, dep habarlaıdy elorda ákimdiginiń resmı saıty.

Bul ózgeris osy ýchaskede úlken suranysqa ıe 2 baǵdardyń (№45 jáne 56 marshrýty) qozǵalysyna septigin tıgizedi. Osylaısha jalpy sany 25 avtobýstyń júrisi jyldamdaıdy. Kún saıyn osy baǵyttarmen 16 myńnan astam jolaýshy júredi.

Qoǵamdyq kólikten bólek, «Bus Lane» arqyly jedel járdem men órt sóndirý tehnıkasy qozǵala alady. Nátıjesinde olardyń kelý ýaqytyn edáýir qysqartty.

Aıta keteıik, Muhamedhanov kóshesinde bólingen jolaqtyń engizilýin eskere otyryp, Nur-Sultan qalasynda «Bus Lane» jobasy uzyndyǵy 73,6 km bolatyn 26 jol ýchaskesinde júzege asyrylýda.

Kólik júrgizýshileri osy ózgeristerdi nazarda ustap, qozǵalys baǵytyn aldyn ala josparlaýy qajet.


Avtor Agata Mýhamedjanova
Basty sózder: Nur-Sultan, Qoǵam, Kólik,
Joǵary qaraı