Aýa raıy
Astana -9 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Elordada dári-dármekterdi qymbat baǵaǵa satyp jatqan dárihanalar anyqtaldy

2020 jyldyń 7 tamyz 2020 14:31

NUR-SULTAN. QazAqparat – Polıtseıler elordadaǵy úsh dárihanada «Atsıklovır AKOS» dárisiniń qymbat baǵada satylyp jatqanyn anyqtady.

QR Densaýlyq saqtaý mınıstriniń «Dárilik zattardyń shekti baǵalary týraly» buıryǵyna sáıkes, onyń bir qaptamasy 189 teńge turady, dep habarlaıdy QazAqparat Nur-Sultan qalasy polıtsııa departamentine silteme jasap.

Nájimedenov kóshesiniń boıyndaǵy dárihanalardyń birinen quny 7 myń 200 teńge bolatyn 18 qaptama tárkilendi. Dárihana qyzmetkerleri onyń bir qaptamasyn 400 teńgeden satqan.

Qabanbaı batyr kóshesiniń boıyndaǵy ekinshi dárihanada bir qaptamasy 300 teńgeden, al Umaı ana kóshesiniń boıyndaǵy úshinshi dárihanada 41 teńgege qymbat satylyp jatqany anyqtaldy.

«Zań buzýshylarǵa qatysty is materıaldary Nur-Sultan qalasynyń Taýarlar men kórsetiletin qyzmetterdiń sapasy men qaýipsizdigin baqylaý departamentine jiberildi. Olar ákimshilik jaýapqa tartylyp, sol boıynsha protsessýaldyq sheshim qabyldanady. Polıtseıler prokýratýra qyzmetkerlerimen birge medıtsınalyq dári-dármekterdi satý faktilerin anyqtaý boıynsha reıdter júrgizýdi jalǵastyryp jatyr», - delingen elordalyq polıtsııa departamentiniń baspasóz qyzmeti taratqan habarlamada.

Reıd júrgizilgen ýaqyt ishinde tártip saqshylary QR zańnamasyn buza otyryp, medıtsınalyq preparattardy satý boıynsha 124 faktini anyqtap, 137 adam, sonyń ishinde 90-ǵa jýyq dárihanashy ustaldy, 476 dárihana tekserildi.


Basty sózder: Koronavırýs, Zań, Nur-Sultan,
Joǵary qaraı