Aýa raıy
Astana -4 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Elordada demalys kúnderi qaıda barýǵa bolady

2019 jyldyń 12 qyrkúıek 2019 23:34

NUR-SULTAN. QazAqparat - Aldaǵy demalys kúnder elordada mýzyka men sporttyq sharalarǵa baı bolady. Astanalyqtar demalys kúnderin qyzyqty ári paıdaly ótkizý úshin qaıda barýǵa bolatyny tómende kórsetilgen.

Qala ákimdigi saıtynyń habarlaýynsha, 11 jáne 14 qyrkúıek kúnderi «Astana Opera» Memlekettik opera jáne balet teatry óz qonaqtaryn A.Adannyń «Jızel» baletin tamashalaýǵa shaqyrady. Álemdik týyndynyń premerasy 1841 jyly Parıjdiń Grand Operasynda ótken bolatyn. Sodan beri «Jızel» álemniń túrli balet teatrynda qoıylsa da, osy ýaqytqa deıin ózektiligi men ataǵyn joǵaltqan joq. Qoıylym 18.00-de teatrdyń Úlken zalynda ótedi. Bılet quny 500 teńgeden bastalady.

15 qyrkúıekte elordada «Phanerozoic I: Palaeozoic» týrynyń aıasynda ataqty «The Ocean» toby kontsertin qoıady. Top Reseı, Belarýs, Armenııa, Grýzııa, Qazaqstan, Japonııa qalalaryna gastrolmen barady. Nur-Sultan qalasyndaǵy toptyń kontserti 15 qyrkúıek kúni saǵat 20.00-de bastalady. Ótetin orny: Qorǵaljyn tas joly 3, The Bus. Kontsert bıletteriniń quny 5 000 teńgeden bastalady.

Osy demalysta elordada birneshe sporttyq sharalar da ótedi.

13 qyrkúıekte hokkeı jankúıerleri «Nomad» jáne «Sokol» klýbtary arasyndaǵy matchty tamashalaı alady. Oıyn «Qazaqstan» sport saraıynda 19.00-de ótedi, bıletter quny 200 teńgeden bastalady.

Sondaı-aq, 14 qyrkúıekte «Barys Arena» alańynda grek-rım, erkin jáne áıelder kúresinen Álem chempıonatynyń ashylýy bolady. Oǵan álemniń 100-ge jýyq elinen 900 sportshy qatysady. Jarysqa shamamen 10 000 jankúıer keledi dep josparlanýda. Qazaqstan aýmaǵynda chempıonatty Kazsport telearnasy taratady. Al, tikeleı kórsetilimdi United World Wrestling (UWW) resmı saıtynan qaraı alasyz. Chempıonat 22 qyrkúıekke deıin jalǵasady, kórermenderge kirý quny 1 000 teńgeden bastalady.

12 jáne 13 qyrkúıek kúnderi Nur-Sultan qalasynda Synergy Global Forum ótedi. Hedlaıner retinde jeke tulǵanyń ósýi taqyrybynda álemdik sarapshy bolyp esepteletin áıgili Nık Výıchıch pen Itshak Pıntosevıch óz oılarymen bólisedi. Nık Výıchıch «Shekarasyz ómir» taqyrybynda, al Itshak Pıntosevıch «Jalqaýlyq jeńimpazy. Shekarasyz ómir» taqyryptarynda sheberlik-sabaqtaryn ótkizedi. Uıymdastyrýshylar tájirıbe, bilim, naqty áreketter men quraldardy úıretetin 8 saǵatqa sozylatyn trenıng 10 ese tıimdirek bolǵysy keletin jandarǵa arnalǵan degen pikirde.

Trenıng saǵat 19.00-de «Saryarqa» velotreginde qonaqtar alańynda bastalady. Kirý quny 11 200 teńgeden 72 800 teńgege deıin.


Basty sózder: Nur-Sultan, Sport, Mádenıet,
Joǵary qaraı