Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada demalys kúnderi mekemeler men kásipkerlik nysandar qalaı jumys isteıdi

2021 jyldyń 30 shilde 2021 23:09

NUR-SULTAN. QazAqparat - Demalys kúnderi qalanyń birqatar kásipkerlik nysandary jumys istemeıdi, dep habarlaıdy QazAqparat ákimdikke silteme jasap.

Elordalyq sanıtarlyq dárigerdiń qoǵamdyq tamaqtaný oryndarynda karantın sharalaryn qatańdatý týraly qaýlysyna sáıkes, birqatar kásipkerlik nysany qysqartylǵan jumys rejımine kóshti.

Senbi jáne jeksenbi kúnderi elordanyń qoǵamdyq tamaqtaný oryndary kelýshilerdi qabyldamaıdy. Al tapsyrysty jetkizý jáne ózimen birge alyp ketý shtattyq rejımde júzege asyrylady.

Meıramhanalar, kafeler, kofehanalar ornalasqan jerine qaramastan, sonyń ishinde ashyq aýada dúısenbi-juma kúnderi tańǵy saǵat 7-den 12:00-ge deıin jumys isteıdi. Al senbi jáne jeksenbi kúnderi jumys isteýine tyıym salynady. Bul rette «Ashyq» jobasy aıasynda jumys isteıtin mekemelerge dúısenbi-juma kúnderi saǵat 07.00-den 17.00-ge deıin jumys kestesi belgilendi, al senbi jáne jeksenbi kúnderi jumys isteýine tyıym salynady.

Aıta keteıik, senbi jáne jeksenbi kúnderi elordalyq SOO jáne t.b. jumysyna tyıym salynǵan.

Elordada sulýlyq salondary, shashtarazdar, «barber shop» dúısenbi-juma kúnderi saǵat 08:00-den 17:00-ge deıin jumys isteıdi. Olardyń senbi jáne jeksenbi kúnderi jumys isteýine tyıym salynady. Bul jaǵdaıda kelýshilerdi qabyldaý qatań túrde aldyn-ala jazylý arqyly júrgizilýi tıis.

Sondaı-aq, «Ashyq» jobasyna qatysatyn fıtnes-ortalyqtaryna, sport nysandaryna, basseınderge, saýnalarǵa, SPA-ortalyqtaryna senbi jáne jeksenbi kúnderi jumys isteýine tyıym salynǵan, al dúısenbi-juma kúnderi saǵat 07:00-den 17:00-ge deıin jumys isteı alady.

«Ashyq» jobasyna qatysatyn kásipkerlik sýbektileri úshin karaoke jumysyn uıymdastyrý barysynda kúsheıtilgen sanıtarııalyq-profılaktıkalyq is-sharalar saqtalýy tıis. Karaoke dúısenbi-juma kúnderi saǵat 12.00-den 18.00-ge deıin jumys isteıdi. Al senbi jáne jeksenbi kúnderi jumys isteýine tyıym salynady.

Aıta ketý kerek, karantındi qatańdatý – elordadaǵy epıdemıologııalyq jaǵdaı men koronavırýs ınfektsııasynyń ósýine baılanysty májbúrli shara.

Qaýly QR aýmaǵynda koronavırýstyq ınfektsııanyń paıda bolýy men taralýyna jol bermeý jónindegi vedomstvoaralyq komıssııa otyrysynyń hattamasyna sáıkes qabyldandy.


Basty sózder: Koronavırýs, Karantın, Nur-Sultan,
Joǵary qaraı