Aýa raıy
Astana -3 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Elordada «Densaýlyq - zor baılyq» marafony bastaldy

2020 jyldyń 25 qyrkúıek 2020 14:18

NUR-SULTAN. QazAqparat – Elordada jas otbasylarǵa arnalǵan «Densaýlyq – zor baılyq» marafony bastaldy, dep habarlaıdy qala ákimdiginiń resmı saıty.

«Sportqa beıimdi otbasy» ataǵy úshin qatysýshylar 21 kún boıy eń az degende bir shaqyrym júgiredi. Bul jaǵdaıda qatysýshylar kún saıyn júgirý baǵyty men kúnin kórsetetin qosymshadan skrınshottardy jiberýi kerek, sonymen qatar úsh fotosýret pen beıne trenıngterdi qosa berýi qajet.

«Marafon «Otbasy – baqyt mekeni» jobasy aıasynda otbasy arasyndaǵy tolyq senim, qoldaý, mahabbat atmosferasynda sporttyq rýhty tárbıeleý jáne nyǵaıtý maqsatynda ótkiziledi. Otbasylyq júgirý densaýlyqqa jaýapkershilikpen qaraýdy qalyptastyrýǵa, sportty nasıhattaýǵa, jas otbasylar arasynda salaýatty ómir saltyn ustanýǵa yqpal etýi tıis», – dep atap ótti qalalyq jastar saıasaty máseleleri basqarmasynan.

Jarys sońynda 20 jeńimpaz anyqtalady.

Olar 50 myń teńge somasyna sporttyq taýarlarǵa nemese turmystyq tehnıka men elektronıkaǵa arnalǵan dıplomdarmen jáne sertıfıkattarmen marapattalady.

«Baıqaýǵa marafon bastalǵanǵa deıin resmı túrde nekelerin tirkegen Nur-Sultan qalasynda turatyn jas otbasylar qatysa alady. Erli-zaıyptylardyń jasy 29 jastan aspaýy kerek.

Qabyldaý 27 qyrkúıek kúni saǵat 18-ge deıin sozylady. Baıqaýǵa qatysý úshin jas otbasylar Strava, TrainingPeaks, Wahoo ELEMNT Companion, map my ride by Under Armour, Relive, RUNMETER Running&Cycling GPS qosymshalarynyń birinde, IOS nemese Android platformasynda tirkelýi kerek.

Tirkeý kezinde nekeni tirkeý týraly kýáliktiń jáne bar bolǵan jaǵdaıda balalardyń týý týraly kýáliginiń kóshirmelerin qosa berý qajet. Telefon nómirleri, turatyn aýdany, áleýmettik jelilerdegi akkaýnttar, otbasy músheleriniń sany sııaqty baılanys aqparatyn elorda.otbasy@gmail.com elektrondyq poshtaǵa jiberý qajet nemese +7 777 273 43 83 telefon nómirine», - deıdi uıymdastyrýshylar.

Sondaı-aq, marafonshylarǵa ınstagramda @ns_jastary, @elorda.otbasy akkaýnttaryna jazylý qajet.

Esterińizge sala keteıik, qyrkúıek aıynyń basynda Nur-Sultanda «Otbasy – baqyt mekeni» otbasy ınstıtýtyn nyǵaıtý jobasy bastaldy. Onyń aıasynda úsh jyl boıy jastardy otbasyn durys qurýǵa úıretetin bolady. Joba aýqymdy baǵdarlamany kózdeıdi jáne semınarlar, onlaın-trenıngter, baıqaýlar, fakýltatıvtik sabaqtar jáne t.b. qamtıdy.


Basty sózder: Nur-Sultan, Sport, Jastar,
Joǵary qaraı