Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada eki kúnde 16 mekeme karantın talaptaryn buzdy

2021 jyldyń 5 tamyz 2021 12:47

NUR-SURTAN. QazAqparat -Elordanyń monıtorıng toptary birneshe aıdan beri kúsheıtilgen rejımde jumys istep keledi. Kún saıyn qaladaǵy 100-den astam kásipkerlik nysanynda karantın talaptarynyń saqtalýy tekseriledi, dep habarlaıdy QazAqparat qala ákimdigine silteme jasap.

Máselen, ótken eki kúnde, ıaǵnı 3 jáne 4 tamyzda monıtorıng toptary 16 mekemeni ákimshilik jaýapkershilikke tartty.

Almaty aýdanynda «Ryba moeı mechty» karaoke klýby karantın rejımin buza otyryp jumys istedi. Erteńinde osy jaǵdaı «Mansion» karaoke barynda da anyqtaldy.

Maska rejımin saqtamaý, áleýmettik qashyq pen karantın rejımin saqtamaý Baıqońyr aýdanynyń 4 mekemesinde anyqtaldy. Bul «Ámir» bazary, «12 aı» dúkeni, «Boroda» jáne «Muller» barlary. 4 tamyzda taǵy eki mekeme — «Small» dúkeni jáne «Mıata» laýndj bary bas sanıtar dárigeriniń qaýlysyn buzǵan.

Saryarqa aýdanynda 2 kún ishinde monıtorıng toptary «Samuryq» dámhanasy men «Semeınaıa» monshasynda, sondaı-aq «Shashlyk na naberejnoı» jáne «Playstation Club» kafelerinde kemshilikti anyqtady.

Jumys rejımin buzý, jazǵy dámhananyń jumys isteýi, kelýshiler men ákimshilik qyzmetkerlerdiń betperde rejımin saqtamaýy, sondaı-aq áleýmettik qashyqty saqtamaý Esil aýdanyndaǵy «Lavash Food» fast-fýd pýnktinde, «Panaehalı», «baHabag» barlarynda jáne «Gold Game» kompıýter klýbynda anyqtaldy.

Tártip buzýshylarǵa qatysty jınalǵan materıaldar tıisti sharalar qabyldaý úshin sanıtarııalyq-epıdemıologııalyq baqylaý salasyndaǵy ýákiletti organǵa berildi.

Esterińizge sala keteıik, Nur-Sultandaǵy epıdemıologııalyq jaǵdaı qubylmaly, táýlik saıyn qalada KVI juqtyrýǵa qatysty 1,3 myń jaǵdaıy anyqtalady, koronavırýs juqtyryp, aýyr jaǵdaıda 300-ge jýyq adam aýrýhanaǵa jatqyzylady.





Joǵary qaraı