Aýa raıy
Astana 25 °S
Almaty 26 °S
valıýta baǵamy
USD 405.69
EUR 455.51
RUB 5.72
CNY 57.42

Elordada «Eńbek» baǵdarlamasymen 10 myńǵa jýyq adam jumysqa ornalasty

2019 jyldyń 12 qarasha 2019 04:27

NUR-SULTAN. QazAqparat – El astanasynda «Eńbek» memlekettik baǵdarlamasyn júzege asyrý aıasynda elordada 9901 adam jumysqa ornalasty, dep habarlaıdy QazAqparat ákimdik saıtyna silteme jasap.

«Eńbek» baǵdarlamasyn júzege asyrý aıasynda qazirgi ýaqytta 9 901 adam jumysqa ornalastyryldy. 467 adam oqý kýrsyn aıaqtady, onyń 176-y jumysqa ornalasty, olardyń bir bóligi óz isin júrgizýge grant aldy. Memlekettik grantty alýǵa barlyǵy 899 bıznes-joba maquldandy. Qoǵamdyq jumyspen 1 183 jumyssyz qamtyldy, turaqty jumys ornyna 300 adam qabyldandy. Jastar tájirıbesin 485 aıaqtady, onyń ishinde 222 jas jumysqa ornalastyryldy. Sonymen qatar, áleýmettik jumys oryndaryn 44 adam aıaqtap, 23 adam jumysqa ornalastyryldy.

Aıta keteıik, «Eńbek» memlekettik baǵdarlamasy suranysqa ıe mamandyq boıynsha kásibı daǵdylar men biliktilik alýǵa, kásipkerlikti damytýǵa, halyqtyń áleýmettik osal toptaryna qoldaý kórsetýge baǵyttalǵan. Oǵan resmı túrde jumyssyzdar qatysa alady.

Baǵdarlamanyń júzege asyrylýyn elordalyq halyqty jumyspen qamtý ortalyǵy úsh baǵyt boıynsha júzege asyrady. Qatysýshylar úshin kásiptik oqytý júrgiziledi. Olar oqý tólemimen jáne aı saıynǵy 16 759 teńge mólsherindegi stıpendııamen qamtamasyz etiledi. Ekinshi baǵyt aıasynda Jumyspen qamtý ortalyǵy jańa bıznes ıdeıalardy iske asyrý úshin grant alýǵa qujattardy qabyldaıdy. Bıznes-jobany qaraý jáne maquldaǵannan keıin komıssııa «Atameken» kásipkerler palatasymen birlesip, Ortalyq granttar beredi.

Bıznesti shaǵyn nesıe boıynsha konsýltatsııa júrgiziledi jáne ekinshi deńgeıdegi bankterge (EDB) nesıe alýǵa joldama beriledi. Grant alýǵa úmitker retinde kásibı oqýdy aıaqtaǵan baǵdarlamaǵa qatysýshylar, sondaı-aq «Jas Kásipker», «Bastaý» jobasynyń túlekteri qatysa alady. Úshinshi baǵyt aıasynda Ortalyq áleýmettik jumys oryndaryna, qoǵamdyq jumystarǵa jáne jastar tájirıbesine jumysqa ornalastyrady. Osy baǵyttar boıynsha izdenýshilerdi uıymdastyrý jáne qabyldaý qańtar aıynda ótkiziletin bolady.

Basty sózder: Jumyspen qamtý, Nur-Sultan,
Joǵary qaraı