Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada er adam «Tapsyryspen adam óltirý» degen jazýy bar kólikpen júrgen

2021 jyldyń 16 sáýir 2021 20:40

NUR-SULTAN. QazAqparat – Nur-Sultan qalasynda kóliginde «Tapsyryspen adam óltirý» degen jazýy bar er adam ustaldy, dep habarlaıdy QazAqparat Nur-Sultan qalasy polıtsııa departamentiniń baspasóz qyzmetine silteme jasap.

Kólik búgin áleýmettik jelilerge monıorıng júrgizý barysynda Máńgilik el kóshesinde anyqtalǵan. Elorda polıtseıleri kólikti bir saǵattyń ishinde tapty.

Júrgizýshiniń aıtýynsha, artqy terezesiniń shynysynda «Tapsyryspen adam óltirý» jazýy bar kólikti ol bir aı buryn Petropavl qalasynda satyp alǵan, biraq jazýdy óshirmegen.

Budan basqa, tekserý kezinde 27 jastaǵy er adamnyń kólik júrgizý qujattarynyń bolmaǵany anyqtaldy.

Ol tehnıkalyq reglament talaptaryna sáıkes kelmeıtin kólikti júrgizgeni jáne júrgizýshi kýáliginiń bolmaǵany úshin QR Ákimshilik quqyqbuzýshylyqtar týraly kodekstiń 590-babynyń 5-bólimi jáne 612-baptyń 5-bólimi boıynsha ákimshilik jaýapqa tartyldy. Kólik kommýnaldyq turaqqa qoıyldy, ondaǵy jazýdy júrgizýshisi sol jerde óshirip tastady.


Basty sózder: Vıdeo, Nur-Sultan, Kólik, QR ІІM,
Joǵary qaraı