Aýa raıy
Astana -8 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Elordada eriktiler kóshede ystyq shaı men baýyrsaq taratty

2020 jyldyń 30 qarasha 2020 06:24

NUR-SULTAN. QazAqparat – Elordada Táýelsizdiktiń 30 jyldyǵyna oraı, «30 ıgi is» áleýmettik qaıyrymdylyq jobasy qolǵa alyndy. Joba aıasynda eriktiler qala kóshelerinde shaı men baýyrsaq taratty, dep habarlaıdy QazAqparat qala ákimdigine silteme jasap.

«Búgin aýa-raıynyń qolaısyzdyǵyna qaramastan, eriktiler «30 ıgi is» aktsııasyn qoldaýǵa shyǵyp, elorda turǵyndary men qonaqtaryna, qalamyzdy tazalaıtyn «Astana tazalyq» JShS qyzmetkerlerine ystyq shaı men baýyrsaq taratty. Osylaısha, eriktiler osy aıazdy kúni jaqsy kóńil-kúı syılap, óz yqylastarymen kópshilikti jylytty. Barlyǵy 50 lıtr shaı jáne 7 keli baýyrsaq taratyldy«, - dep habarlady «Astana jastary« jastar resýrstyq ortalyǵy.

Qardyń kóp túskeni jeke úı turǵyndaryna, qart adamdarǵa kóp qıyndyq týdyrdy. Osyǵan baılanysty qalalyq shtab pen Qazaqstan Eriktiler lıgasynyń eriktileri aktsııa aıasynda zeınetkerlerge aýlalardaǵy qardy tazartýǵa kómektesti.





«Eriktiler jalǵyz turatyn qart adamdarǵa, soǵys ardagerleri men tyl eńbekkerlerine kómektesti. :astar 30 qarttyń aýlasyn qardan tazartty. Aktsııaǵa qatysa otyryp, eriktiler jas urpaqtyń ardagerler men tyl eńbekkerleriniń qosqan úlesterin este saqtaıtynyn jáne baǵalaıtynyn kórsetkisi keledi», - dep atap ótti JRO.


Eske sala keteıik, Qazaqstan Táýelsizdiginiń 30 jyldyǵy qarsańynda elordada «30 ıgi is» uranymen estafeta bastaldy.

Qala turǵyndary estafetaǵa qosylyp, aktsııa aıasynda óz paraqshalaryna #Meıirimdibolýádet, #Dobrotaobrazjıznı #Modnobytdobrym heshtegimen jazba nemese beıne jarııalaı alady.




Basty sózder: Nur-Sultan, Qandastar, Volonter,
Joǵary qaraı