Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elordada esirtki arnasy joıyldy

2022 jyldyń 19 qańtar 2022 22:14

NUR-SULTAN. QazAqparat – Elordada 23 jastaǵy jigit ınternet-dúken quryp, sıntetıkalyq esirtki satyp keldi degen kúdikpen ustaldy. Bul jaıynda Nur-Sultan qalalyq Polıtsııa departamentinen málim etti, dep habarlaıdy QazAqparat tilshisi.

Vedomstvo aqparatyna sáıkes, polıtsııa qyzmetkerleri tótenshe jaǵdaı rejımi kezinde qalada quqyqtyq tártipti buzýǵa jol bermeý maqsatynda reıdtik tekserýler júrgizdi. Osyndaı tekserýler barysynda Petrov kóshesiniń boıynda 23 jastaǵy kúdikti ustalyp, jeke zattaryn tintý barysynda ishinde esirtki zaty bar 29 dana túıinshek tabylyp, tárkilendi.

«Jedel tergeý is-sharalary barysynda kúdikti polıtsııa qyzmetkerlerine esirtki zattaryn jasyratyn qupııa oryndaryn kórsetip, ol jerlerden zattaı aıǵaqtar tabyldy.

Qazirgi ýaqytta kúdikti qamaýǵa alyndy. Oǵan Qylmystyq kodekstiń 97-baby 3-bóligi «Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý» boıynsha aıyp taǵyldy. Atalǵan bapta múlkin tárkileı otyryp, 10 jyldan 15 jylǵa deıingi merzimge bas bostandyǵynan aıyrý jazasy kózdeledi», - dep atap ótedi departamentten.


Joǵary qaraı