Aýa raıy
Astana -10 °S
Almaty -12 °S
valıýta baǵamy
USD 421.58
EUR 496.83
RUB 5.53
CNY 62.20

Elordada gaz ballonyn paıdalaný erejesin saqtamaǵan kafelerge eskertý jasaldy

2020 jyldyń 28 qarasha 2020 22:46

NUR-SULTAN. QazAqparat - Elordada arnaıy komıssııa gaz ballonyn paıdalanatyn shaǵyn jáne orta bıznes sýbektilerin tekserdi, dep habarlaıdy QazAqparat qala ákimdigine silteme jasap.

Elordada gaz ballondaryn paıdalanatyn nysandarǵa monıtorıng júrgizilip jatyr. Komıssııa quramyna TJD, ákimdik, turǵyn úı ınspektsııasy, PD ókilderi kiredi. Kezekti sapar barysynda mamandar Shubar shaǵyn aýdanyndaǵy «Djek ı Chan», «Giraffe», «Arzu» kafeleriniń qyzmetkerlerine qaýipsizdik erejesin túsindirdi.

«Reıd barysynda keıbir jerlerde gaz ballony jylý kózderine óte jaqyn turady, qashyqtyq saqtalmaıdy. Taǵy bir mekemede ballondar bir-birine óte jaqyn jerde ornalasqan, bul da óte qaýipti. Sonymen qatar, ıelerdiń ózderi qaı kompanııanyń taýary ekenin bilmeıdi. Ákimshilik eskertý jasaldy, 10 kún ishinde barlyq kemshilik joıylýy tıis», - deıdi Turǵyn úı ınspektsııasy bóliminiń mamany Dýman Jaılybekov.




Jyl sońyna deıin elordanyń barlyq aýdandarynda 1 myńǵa jýyq qoǵamdyq tamaqtaný oryny tekseriledi.

Eske sala keteıik, 21 qarashada astanadaǵy dámhananyń birinde gaz ballony jarylyp, 1 adam qaza tapty. Zardap shekken 23 adam aýrýhanaǵa jatqyzyldy. QR Tótenshe jaǵdaılar mınıstrligi jarylys bolǵan dámhanadan órt sóndirýshilerdiń 35 gaz ballonyn alyp shyqqanyn jarııalady.







Osy oqıǵadan keıin qala ákimi Altaı Kólginov Tótenshe jaǵdaılar departamenti men Polıtsııa departamentine qaladaǵy qoǵamdyq tamaqtaný nysandarynda órt qaýipsizdigin tekserýdi tapsyrdy. Jumys tobyna TJD, ІІM, Turǵyn úı ınspektsııasy, ákimdik, ónerkásiptik qaýipsizdik departamentiniń ókilderi kirdi.

Al 23 qarashada qalalyq qoǵamdyq densaýlyq saqtaý basqarmasynyń baspasóz qyzmeti jarylysta kúıip qalǵan 3 adam jansaqtaý bóliminde jatqanyn habarlaǵan edi. 25 qarashada jansaqtaý bólimindegi bir adam kóz jumdy.





Basty sózder: Nur-Sultan, Qaýipsizdik,
Joǵary qaraı