Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada grek-rım kúresinen halyqaralyq týrnır óz máresine jetti

2021 jyldyń 10 mamyr 2021 20:55

NUR-SULTAN. QazAqparat - Elordada grek-rım kúresinen qazaqtan shyqqan tuńǵysh Olımpıada chempıony, Eńbek Eri Jaqsylyq Úshkempirovti eske alýǵa arnalǵan halyqaralyq týrnır ótti, dep habarlaıdy QazAqparat Nur-Sultan ákimdiginiń resmı saıtyna silteme jasap.

Baıraqty básekege Qazaqstan, Reseı, Grýzııa, Ýkraına, Tájikstan, Qyrǵyzstan jáne Ózbekstan elderinen 250-den asa sportshy jınaldy. 2001-2003 jylǵy jastar arasynda ótken týrnırde balýandar 55, 60, 63, 67, 72, 77, 82, 97, 130 keli salmaq dárejelerinde baq synady.

Úsh kúnge sozylǵan jarys qortyndysy boıynsha jalpy komandalyq esepte 5 altyn, 3 kúmis, 13 qola júldemen Qazaqstan jastar quramasy birinshi orynǵa jaıǵasty. Ekinshi oryndy 3 altyn, 2 kúmis, 5 qola medalmen Grýzııa quramasy ıelense, úzdik úshtikti 1 altyn, 3 kúmis, 1 qola júldemen ózbekstandyq palýandar túıindedi.

Jarysqa kelgen shet eldik komanda ókilderi týrnırdiń uıymdastyrylý deńgeıine joǵary baǵa berdi.

«Biz bul týrnırge úshinshi jyl qatarynan qatysyp kelemiz. Byltyr karantın saldarynan jarysqa qatysa almadyq. Osy joly ózimizdiń myqty quramany alyp keldik. Sebebi bul báseke Eýropa chempıonatynyń aldyndaǵy daıyndyq týrnıri. Jarys óte joǵary deńgeıde ótti. Barlyǵy oıdaǵydaı boldy. Uıymdastyrýshylarǵa rahmet!» - dedi Grýzııa jastar quramasynyń bapkeri Gogelıa Tomaz.

Nur-Sultan qalasy ákimdiginiń qoldaýymen ótken halyqaralyq týrnır karantın talaptaryna saı jankúıersiz uıymdastyryldy. Báseke Qazsport arnasynan tikeleı efırde berildi.

Jarys jeńimpazdary men júldegerleri dıplom, medaldar jáne aqshalaı syılyqtarmen marapattalady.


Basty sózder: Sport, Nur-Sultan,
Joǵary qaraı