Aýa raıy
Astana 5 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Elordada iz-túzsiz joǵalǵan toǵyz azamat tabylyp, týystarymen qaýyshty

2020 jyldyń 15 tamyz 2020 12:05

NUR-SULTAN. QazAqparat – Elorda polıtseıleri «Qańǵybas» aldyn alý sharasynyń qorytyndysyn shyǵardy. Bul shara turǵylyqty mekenjaıy joq, qaıyr surap, qańǵyryp júrgen, sondaı-aq iz-tússiz joǵalǵan azamattardy anyqtaý maqsatymen ótti, dep habarlaıdy QazAqparat Nur-Sultan qalasy polıtsııa departamentiniń baspasóz qyzmetine silteme jasap.

Jedel-aldyn alý sharasyn ótkizýdiń eki kúninde iz-túzsiz joǵalǵan 9 adam týystarymen qaıta qaýyshty. Mysaly, izdeý barysynda polıtseıler zeınet jasyndaǵy eki áıeldiń júrgen jerin anyqtaǵan. Este saqtaý qabiletinen aıyrylǵan áıelder úıinen shyǵyp, adasyp ketken.

«Qańǵybas» operatsııasynyń barysynda tártip saqshylary turǵylyqty mekenjaıy joq adamdar kóp jınalatyn jerlerde reıd ótkizdi. 229 jertóle, 341 káriz qudyǵy, qaraýsyz qalǵan 74 ǵımarat, 230 shatyr, 58 qystaq, 209 qoqys polıgony jáne 17 orman tekserildi.


Basty sózder: Nur-Sultan, QR ІІM,
Joǵary qaraı