Aýa raıy
Astana 6 °S
Almaty 17 °S
valıýta baǵamy
USD 421.58
EUR 496.83
RUB 5.53
CNY 62.20

Elordada karantın rejımin buzǵan kásipkerlerge 15 542 910 teńge aıyppul salyndy

2020 jyldyń 5 tamyz 2020 14:09

NUR-SULTAN. QazAqparat - Elordada karantın rejımin buzǵan oıyn-saýyq oryndary anyqtaldy. Zań buzǵandarǵa jalpy somasy 27 377 790 teńgeni quraıtyn aıyppul salynǵan, dep habarlaıdy QazAqparat tilshisi.

5 tamyzǵa qaraǵan túni monıtorıng toby polıtsııa qyzmetkerlerimen jáne taýarlar men qyzmetterdiń sapasy men qaýipsizdigin baqylaý basqarmasymen (TQSQBB) birlesken kezekti reıd kezinde kásipkerlik sýbektileri tarapynan karantın rejımin buzý áreketterin anyqtady.

«Búgingi monıtorıng barysynda qoǵamdyq tamaqtaný, saýda jáne qyzmet kórsetý nysandarynda birqatar zańbuzýshylyqtar anyqtaldy. Olardyń kópshiligi jumys kestesin buzý, jumysshylar men kelýshilerdiń maska taǵý tártibin buzý, áleýmettik qashyqtyq saqtamaý sııaqty árekettermen baılanysty», - dep habarlady Esil aýdandyq taýarlar men qyzmetterdiń sapasyn men qaýipsizdigin baqylaý basqarmasynyń basshysy Arman Qurbanov.

«Monıtorıng toby aralaý kezinde Esil aýdanynda «Pei Zdes' 31» laýndj-barynda (JK «ORIENT-S») qyzmetkerler men qonaqtar áleýmettik qashyqtyq saqtamaı, karantın rejımin, maska taǵý tártibin buzǵanyn anyqtady. Atalǵan nysannyń basshylarymen jáne ákimshiligi tarapynan túsindirý júrgizilip, ákimshilik hattamany resimdeý úshin materıaldardy tapsyrý týraly hattama jasaldy», - dedi Nur-Sultan ákimdiginiń Azamattyq qorǵanys ortalyǵynyń bas mamany Áset Abylǵazıev.

Sonymen qatar Saryarqa aýdanynda reıd kezinde mobıldi top «Nırvana» jáne «Ýgol 4/1» klýbtaryndaǵy karantın rejımin buzýshylardy anyqtady. 4 tamyzdaǵy jaǵdaı boıynsha, Nur-Sultan Taýarlar men qyzmetterdiń sapasy men qaýipsizdigin baqylaý basqarmasynyń aýdandyq basqarmalaryna aýdandyq polıtsııa basqarmalarynan karantındi buzǵandar týraly 544 materıal kelip tústi. Olar boıynsha 124 jeke jáne kásipkerlik sýbektileri jalpy somasy 27 377 790 teńge ákimshilik jaýapqa tartyldy.

QR ÁQBtK 811-babyna sáıkes, karantındi buzǵan adamdar kinásin moıyndaǵandyqtan, ákimshilik aıyppuldar qysqartylǵan túrde qoldanyldy. Búgingi kúni jalpy somasy 15 542 910 teńgeni quraıtyn 63 ákimshilik aıyppul tólendi.


Basty sózder: Nur-Sultan, Koronavırýs, Medıtsına,
Joǵary qaraı