Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Elordada karantın talabyn buzǵandarǵa 240 mln teńgege jýyq aıyppul salyndy

2021 jyldyń 19 qańtar 2021 02:46

NUR-SULTAN. QazAqparat - Elordada karantın talaptaryn buzǵandarǵa 240 mln teńgege jýyq aıyppul salyndy, dep habarlaıdy QazAqparatt ákimdiktiń saıtyne silteme jasap.

Elordada ótken jyldyń ekinshi jartyjyldyǵynda monıtorıng toptary karantınge qatysty 5 myńnan astam reıd júrgizdi. Mysaly, 2020 jyldyń 9 qazanynan bastap osy jyldyń 17 qańtaryna deıin aralaý barysynda 1 309 zań buzý faktisi anyqtaldy. Onyń ishinde: Almaty aýdanynda – 347, Baıqońyr aýdanynda — 273, Esil aýdanynda — 398, Saryarqa aýdanynda 291 fakti tirkeldi.

Aıta ketý kerek, karantın rejımin qasaqana buzýshylarǵa qatysty materıaldar sotqa jiberiledi.

Osylaısha, elordalyq ákimshilik sottyń sheshimimen birqatar mekemeniń qyzmeti toqtatyldy.

Buǵan deıin atalǵan ShOB sýbektilerine karantın talaptardy saqtaý jóninde eskertý jasalǵan bolatyn. Eger jumysyn toqtatý týraly sot sheshimi oryndalmaǵan jaǵdaıda mekeme basshylary ákimshilik qamaýǵa alynady. Qazirgi ýaqytta karantın sharalaryn saqtamaǵany úshin qoǵamdyq mekemelerge qatysty taǵy 12 materıal sot qaraýynda jatyr.

Osy ýaqytqa deıin Nur-Sultan qalasynyń sanıtarlyq-epıdemıologııalyq baqylaý departamentine karantındi buzýǵa jol bergen tulǵalarǵa qatysty 2 484 materıal kelip tústi, olar boıynsha 1 224 jeke, laýazymdy jáne zańdy tulǵa jalpy somasy 239 633 450 teńgege ákimshilik jaýapkershilikke tartyldy.

Búgingi kúni 190 988 725 teńgege 1016 ákimshilik aıyppul óteldi.


Joǵary qaraı